महासमितिमा लगिने तीन प्रतिवेदनमाथि कांग्रेसले दुई दिन छलफल चलाउने

३ फागुन, काठमाडौं । नेपाली कांग्रेसको महासमिति बैठकमा पेश गर्ने तीन प्रतिवेदनलाई केन्द्रीय कार्यसमितिले दुई दिनसम्म छलफल चलाउने भएको छ । आज बसेको केन्द्रीय कार्यसमितिको बैठकमा पेश भएका तीन प्रतिवेदनमाथि थप दुई दिन छलफल गरिने भएको हो । 

महासमिति बैठक ७ फागुनदेखि सुरु हँदैछ । महासमिति बैठकका लागि उपसभापति पूर्णबहादुर खड्काले नीति, महामन्त्री गगन थापाले सांगठनिक र अर्का महामन्त्री विश्वप्रकाश शर्माले तयार पारेको राजनीतिक प्रतिवेदन बिहीबारको केन्द्रीय समिति बैठकमा पेश भएका छन् ।

प्रतिवेदनमाथि केन्द्रीय सहस्यहरुको धारणा बुझ्न दुई दिनसम्म छलफल चलाउने लागिएको कांग्रेसले जनाएको छ । भोलि र पर्सि बस्ने बैठकमा केन्द्रीय सदस्यहरुले धारणा राख्नेछन् । ललितपुरको गोदावरीमा महासमितिको बैठठको तयारी पनि भइरहेको छ ।