नेपालले मलेसियालाई दियो ११६ रनको लक्ष्य

४ फागुन, काठमाडौं । एसीसी महिला प्रिमियर कपको सेमिफाइनलमा नेपालले घरेलु टोली मलेसियालाई १ सय १६ रनको लक्ष्य दिएको छ । मलेसियाको बायोमास ओभलमा टस जितेर पहिले ब्याटिङमा गएको नेपालले निर्धारित २० ओभरमा ६ विकेट गुमाउँदै सय १५ रन बनाएको हो । 

नेपालका लागि कप्तान इन्दु बर्माले २९ रन बनाइन् । डली भट्टले २५ रन बनाएर आउट भइन् । ओपनर कविता कुँवरले २३ रनको योगदान दिइन् । रुविना क्षेत्रीले २० रन बनाइन् । कविता जोशी २ रनमै आउट भइन् ।

मलेसियाका लागि माहिरन इज्जतीले २ विकेट झारिन् । विनिप्रलेड डुराइसिंघमले १ विकेट लिइन् । मलेसियाविरुद्धको खेलमा जित निकाले नेपालले फाइनलमा यूएईसँग खेल्ने छ । आजै भएको पहिलो सेमिफाइनल भिडन्तमा यूएईले थाइल्यान्डलाई ४ विकेटले हराएको छ ।   

मलेसियाकी महिराह इजाती इस्मालीले ४ ओभरमा १० रन खर्चेर २ विकेट लिइन् । विनिफ्रेड दुराईसिंघमले १ विकेट लिइन् । यस खेलको विजेता टोलीले यसैवर्ष हुने महिला टी–२० एसिया कप खेल्न पाउनेछ ।