सम्पर्कमा नरहेका १८ जना प्रहरीलाई ७ दिनभित्र हाजिर हुन निर्देशन

१० फागुन, काठमाडौं । प्रहरी प्रधान कार्यालयले सम्पर्कमा नरहेका १८ जना प्रहरीहरुलाई सात दिनभित्र स्पष्टीकरणसहित उपस्थित हुन निर्देशन दिएको छ । उनीहरु लामो समयदेखि कार्यलयलाई जानकारी नदिई सम्पर्कबाहिर बसेका थिए । 

आफूखुसी कार्यालयमा गैरहाजिर रहेको र खोजतलास गर्दा पनि सम्पर्कमा नआएको भन्दै सार्वजनिक सूचना जारी गरेर ७ दिनभित्र स्पष्टीकरणसहित उपस्थित हुन भनिएको हो ।

अन्यथा सेवाबाट हटाइने प्रहरी प्रधान कार्यालयले चेतावनी समेत दिएको छ । गैरहाजिर भएकाहरुमा प्रहरी सहायक निरीक्षक (असई) गजेन्द्र सिंह ठगुन्ना लगायतका छन् ।