गृहमा नारायणकाजीका बदनाम सारथीहरु
नेपालबहस संवाददाता
फागुन ११, २०८० शुक्रबार १२:२२:२४
११ फागुन, काठमाडौं । गृह मन्त्रालय सम्हालेको एक वर्षमा उपप्रधानमन्त्री तथा गृहमन्त्री नारायणकाजी श्रेष्ठले सुशासनको अभिव्यक्ति दिएर थाकेका छैनन् । हरेक पल्ट उनको भाषणमा सुशासन, भ्रष्टाचारविरुद्धको अभियानमा लागेका वा कर्मचारी शुद्धीकरणमा आफू लागेको जस्ता शब्दहरु सुनाउने गर्छन् । अझ प्रहरी संगठनले आयोजना गरेको कार्यक्रममा शान्ति सुरक्षा कायम भएन वा आर्थिक अपचलनको कुरा उठेमा तुरुन्तै सरुवा गरिदिन्छु भन्दै धम्क्याउने गरेका छन् । तर तिनै श्रेष्ठले मन्त्रालय हाँक्ने क्रममा बदनाम पात्रहरूको साथ लिएका छन् । आम रुपमा उनी स्टण्टबाज मन्त्रीका रुपमा दरिएका छन् ।
प्रहरीले चार महिना लगाएर भिजिट भिसाको अनुसन्धान गर्यो । त्रिभुवन विमानस्थलबाट मानव तस्करहरूले ट्राभल एजेन्सीको सहयोगमा भिजिट भिसाको प्रयोग गर्दै मानिसहरू विभिन्न मुलुकमा पठाउने गरेको तथ्य र प्रमाणहरू संकलन गरेको थियो । त्यसका आधारमा प्रहरीले केही कर्मचारीलाई पक्राउ गर्यो । केहीलाई मुद्दा दायर गर्यो । भिजिट भिसाको नाममा मानव तस्करी गरेको आरोपमा ९ अध्यागमन अधिकृतसहित २२ जनाविरुद्ध जिल्ला अदालत, काठमाडौंमा मुद्दा दायर गर्यो । उपत्यका अपराध अनुसन्धान कार्यालयको सुरुवाती र पछि जिल्ला प्रहरी परिसर, काठमाडौंले गरेको अनुसन्धानका आधारमा सरकारी लिखत किर्ते र संगठित अपराध सम्बन्धी कसुरमा मुद्दा दर्ता भयो ।
१२ जनालाई फरार प्रतिवादी बनाउँदै अदालतमा मुद्दा दायर गरेको जिल्ला न्यायाधिवक्ता सन्देश श्रेष्ठले बताए । फरार रहनेमा ८ जना सरकारी कर्मचारी छन् । विमानस्थल अध्यागमन कार्यरत रहेर हाल राष्ट्रिय विपद् जोखिम न्यूनीकरण तथा व्यवस्थापन प्राधिकरणमा कार्यरत ताराबहादुर कुँवर, अध्यागमन अधिकृत कुशल बराल, शैलेन्द्र ढकाल, विमल पौडेल, विष्णुप्रसाद अर्याल, विकास डंगोल, पीताम्बर रिमाल र सुजन फागो लिम्बुलाई फरार प्रतिवादी बनाएर मुद्दा दायर भएको हो । अध्यागमन अधिकृत नरवीर खड्कालाई भने उपत्यका अपराध अनुसन्धान कार्यालयले २६ कात्तिक २०८० मै पक्राउ गरेको थियो ।
अनुसन्धानमा संलग्न अधिकृतहरूका अनुसार, नरवीर र ताराबहादुर कुँवरसँग सेटिङ गरेर बिचौलियाले युवालाई खाडी मुलुक पठाएको खुलेको थियो । उनको संरक्षणमा लागेका विमानस्थल अध्यागमन कार्यालयका प्रमुख गोगनबहादुर हमाल अहिले पनि त्यही छन् । उनलाई हटाउने विषयमा श्रेष्ठले कुनै चासो दिएका छैनन् । त्यसैगरी हमाल नक्कली लाइसेन्स प्रकरणमा पनि मुछिएका व्यक्ति हुन् ।
२०७२ सालको मंसिरदेखि विद्युतीय सवारी चालक अनुमतिपत्र (ईडीएल) प्रणाली सञ्चालनमा आएको थियो । त्यसयता वितरण भएका कैयौं लाइसेन्सको इन्ट्री शंकास्पद देखिएपछि विभागले गत मसिंर २१ गते छानबिन थालेको थियो । विभागका निर्देशक मुकेश रेग्मी संयोजक रहेको छानबिन समितिले एक लाख २ हजार फर्जी लाइसेन्स बनेको प्रतिवेदन तयार पारेको थियो । यसमा करिब ७३ हजार फर्जी लाइसेन्स वितरण भइसकेका छन् । ७३ हजारमा मा ६६ हजार बढी दश जना महानिर्देशकको कार्यकालमा भएका छन् भने ७ हजार निमित्त महानिर्देशकका पालामा वितरण भएका छन् । थप करिब २९ हजार बाँड्न तयार अवस्थामा थिए । यातायात व्यवस्था विभागका तत्कालीन महानिर्देशक गोगनबहादुर हमालको पालामा १० हजार ५३५ लाइसेन्स वितरण भएको देखिन्छ ।
त्यसैगरी अर्का बदनाम पात्रलाई लिएर शान्ति सुरक्षा महाशाखा हाँकिरहेका छन् । सहसचिव नारायण भट्टराईलाई मन्त्रालयको महत्वपूर्ण महाशाखाको जिम्मेवारी दिएका छन् । भट्टराई पनि नक्कली लाइसेन्समा मुछिएका व्यक्ति हुन । उनको कार्यकालमा ६९७ नक्कली लाइसेन्स बनेका छन । साथै गम्भीर विषयमा त के छ भने उनको समयमा एउटा लाइसेन्सको विवरण सेट गर्न नौ जना यूजरहरु संलग्न देखिएका छन् । उनीहरू सबैलाई भट्टराईको संरक्षण र संलग्नता रहेको स्रोतको दावी छ ।
अर्का बदनाम पात्र पनि गृह मन्त्रालयमा रहेका छन् । बालकुमारी घटनामा ललितपुरको सिडियो रहेका रुद्र पण्डितलाई अहिले प्रशासन महाशाखाको जिम्मेवारी दिने तयारी भइरहेको छ् । उनी राष्ट्रिय परिचयपत्रको ठेक्का रद्द गराएर अलपत्र पार्ने प्रमुख पात्र हुन । साथै बालकुमारी घटनामा प्रहरीलाई गोली चलाउन आदेश दिने पनि उनै थिए । बालकुमारी घटनामा उनको दोष नदेखाई चोख्याएर डीएसपी उमेश लम्साललाई मात्र दोषी देखाएर सहसचिव पण्डितलाई प्रशासन महाशाखा वा अध्यागमन विभागको जिम्मेवारी दिने तयारी थालिएको स्रोतले जनाएको छ ।
अध्यागमन विभाग अहिले खाली रहेको छ । विभागमा केही समय अघिसम्म अर्का बदनाम पात्र रुद्रसिंह तामाङ थिए । तामाङ मेलम्ची खानेपानी परियोजनाको ठेक्का प्रकरणमा अख्तियारले मुद्दा चलाएपछि निलम्बनमा परेका छन् । त्यसअघि सुन तस्करीमा मुछिएका झलकराम अधिकारी थिए । अधिकारीलाई पनि सुनपानी छर्केर अहिले श्रेष्ठकै जोडबलमा सरकारी सम्पत्तिको सुरक्षा गर्ने नेपाल ट्रष्टको जिम्मेवारी दिइएको छ । सुन तस्करीका नाइके दावासँग सुन पास गराउन राजश्व अनुसन्धान विभागको महानिर्देशक हुँदा अधिकारीले महत्वपूर्ण भूमिका खेलेका थिए । अध्यागमनको महानिर्देशक रहेका अधिकारीलाई सरुवा मात्रै गरेर गृहमन्त्री श्रेष्ठले छाडेका थिए । उनी उपप्रधानमन्त्री तथा गृहमन्त्री श्रेष्ठका विश्वास पात्र हुन् ।
उनको निजी सचिवालय हेर्ने हो भने पनि बदनाम पात्रहरुकै हालिमुहाली रहेको छ । पूर्व एआईजी वीरेन्द्रबाबु श्रेष्ठ, सुशन कर्माचार्यले सुरक्षाकर्मीलाई दुःख दिइरहेका छन् । कतिपय सरुवा र बढुवामा समेत उनीहरुको हस्तक्षेप हुने गरेको गृह स्रोतको भनाई छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपराजनीतिमा पूर्वराष्ट्रपति भण्डारीको सम्भावना कति ?
बैशाख १९, २०८१ बुधबार
सर्वोच्चको आदेशपछि बहुमतमा कन्फ्युज हुन थाले राजनीतिक दल, ५० हो कि ५१ ?
बैशाख १९, २०८१ बुधबार
लगानी सम्मेलन कि विदेशीले नपत्याएको भेला ?
बैशाख १८, २०८१ मंगलबार
एसपीको ड्राइभर कि घुमुवा ?
नेपालबहस संवाददाता
बैशाख १७, २०८१ सोमबार
आईजीकै सचिवालयमा एसएसपी कार्कीको चुरीफुरी !
नेपालबहस संवाददाता
बैशाख १९, २०८१ बुधबार
बिहानै कतार एयरको विमानसँग सिम्रिक हेलिकप्टर ठोक्किन आइपुगेपछि.....
नेपालबहस संवाददाता
बैशाख १८, २०८१ मंगलबार
नबिल बैंकको वीरगञ्ज शाखाबाट १ करोड ३४ लाख नोट चोरी, चोर खोज्दै प्रहरी
नेपालबहस संवाददाता
बैशाख १८, २०८१ मंगलबार
आईजीकै सचिवालयमा एसएसपी कार्कीको चुरीफुरी !
बैशाख १९, २०८१ बुधबार
सशस्त्र प्रहरी बलका १६ डीआईजी र १८ एसएसपीको सरुवा, मधेश प्रदेशमा धौबजी र कोशीमा सुवेदी
बैशाख १९, २०८१ बुधबार
नेपालगञ्ज मेडिकल कलेजको शेयर संरचना परिवर्तन, अध्यक्षमा व्यवसायी खुमा अर्याल सर्वसम्मत
बैशाख १९, २०८१ बुधबार
नेपाललाई पहिलो सफलता, प्रतिसले लिए विकेट
बैशाख २०, २०८१ बिहिबार
सूचना प्रविधि क्षेत्रका प्रगति र चुनौती
बैशाख २०, २०८१ बिहिबार
बालगौरी पाथीभरा मन्दिर
बैशाख २०, २०८१ बिहिबार
हनुमान स्तम्भ परिसरमा भक्तजन
बैशाख २०, २०८१ बिहिबार
लुक्ला उड्ने जहाजको प्रतीक्षामा बसेका पर्यटक
बैशाख २०, २०८१ बिहिबार
मोटरसाइकल दुर्घटनामा दुई जनाको मृत्यु
बैशाख २०, २०८१ बिहिबार