शुक्रबार सुनको भाउ स्थिर, कतिमा हुँदै छ किनबेच ?

११ फागुन, काठमाडौं । नेपाली बजारमा शुक्रबार सुनको भाउ स्थिर रहेको छ भने चाँदीको भाउ घटेको छ । नेपाल सुनचाँदी व्यवसायी महासंघका अनुसार शुक्रबार छापावाल सुनको भाउ प्रतितोला १ लाख १८ हजार रुपैयाँ कायम रहेको छ । यसैगरी, तेजावी सुनको भाउ तोलाको १ लाख १७ हजार ४५० रुपैयाँ कायम छ । 

यसअघि बिहीबार पनि सुन सोही मूल्यमा किनबेच भएको थियो । यता, आज चाँदीको भाउ भने प्रतितोला ५ रूपैयाँले घटेर १३ सय ९५ रुपैयाँमा खरिदबिक्री भइरहेको छ । बिहीबार चाँदीको भाउ तोलाको १४ सय रुपैयाँ रहेको थियो ।