‘म्याकुरी’ कुटपिट आरोपमा शर्मिला वाइबा पक्राउ

१६ फागुन, काठमाडौं । आफूलाई स्वःघोषित सामाजिक अभियन्ता भन्दै आएकी शर्मिला वाइबा पक्राउ परेकी छन् । कमेडियन पवन खतिवडा (म्याकुरी)लाई कुटपिट गरेको आरोपमा सिन्धुपाल्चोक बाह्रबिसेबाट पक्राउ गरिएको प्रहरीले जानकारी दिए ।

कुटपिट तथा अङ्गभङग मुद्दामा वाइबालाई प्रहरीले सिन्धुपाल्चोकको बाह्रबिसेबाट पक्राउ गरेको हो । काठमाडौं प्रहरीको सूचनाको आधारमा सिन्धुपाल्चोक प्रहरीले उनलाई पक्राउ गरेको जनाएको छ ।

गत साता शर्मिला वाइबा, म्याकुरीकी पत्नी सुम्निमा खालिङ र बहिनी गंगाले म्याकुरीमा हातपात गरेका थिए । लामो समयदेखि म्याकुरी र पत्नी सुम्निमाबिच विवाद चलिरहेको छ ।