सरकारमा जाने कि के गर्ने भन्ने ठोस निर्णय लिन नेकपा एसले बाेलायाे सचिवालय बैठक
नेपालबहस संवाददाता
फागुन २२, २०८० मंगलबार १४:१:३८
२२ फागुन, काठमाडौं । नेकपा एकीकृत समाजवादीले केन्द्रीय सचिवालय बैठक बोलाएको छ । बुधवार पार्टी केन्द्रीय कार्यालय आलोकनगरमा बस्नेगरी केन्द्रिय सचिवालय बैठक बोलाइएको हो ।
पार्टीका केन्द्रीय कार्यालय सचिव जीवनराम श्रेष्ठका अनुसार बुधवार ११ बजे सचिवालय बैठक बोलाइएको छ । विकसित राजनीतिक घटनाक्रम र महाधिवेशनबारे बैठकमा छलफल हुनेछ । एमालेसहितको नयाँ समीकरण बनेपछि एकीकृत समाजवादीलाई सरकारमा आउन प्रधानमन्त्री पुष्पकमल दाहाल प्रचण्डले आग्रह गरिसकेका छन् ।
दुई नेताबीच भएको छलफलमा अध्यक्ष नेपालले प्रधानमन्त्री प्रचण्डलाई नयाँ समीकरण र नयाँ सरकारको उद्देश्य, योजना, नीति कार्यक्रम हेरेर मात्रै निर्णय गर्ने जवाफ दिएका छन् । नेता श्रेष्ठले सरकारमा गइहाल्ने सम्भावना नरहेको भन्दै पर्ख र हेरको नीति कायमै रहे पनि बैठकले ठोस निर्णय गर्न सक्ने बताएका छन् ।
अचानक साेमबार फेरिएको सत्ता गठबन्धनले कांग्रेससहितको सत्ता साझेदारीमा एक वर्षका लागि प्रधानमन्त्री हुने आकांक्षा पालेर बसेका नेकपा एकीकृत समाजवादीका अध्यक्ष माधवकुमार नेपाललाई अप्ठेरोमा पारेको छ । तर प्रधानमन्त्री प्रचण्डले सोमबार नै नेपाल निवास पुगेर सहकार्यका लागि प्रस्ताव गरेका छन् ।
सोमबार ठुला वामपन्थी दल नेकपा एमाले र नेकपा माओवादी केन्द्र सरकार गठन प्रक्रियामा फेरि एक ठाउँमा हुने बित्तिकै प्रधानमन्त्री ‘प्रचण्ड’ नेकपा 'एकीकृत समाजवादी' का अध्यक्ष एवं पूर्वप्रधानमन्त्री नेपालको स्वास्थ्यलाभको कामना गर्न सोमबार साँझ नै उनको निवास कोटेश्वर पुगेका थिए ।
केही दिनदेखि बिरामी भएर घरमा आराम गरिरहेका अध्यक्ष नेपाललाई प्रधानमन्त्री प्रचण्डले कोटेश्वर निवास पुगेर स्वास्थ्यलाभको कामना गरका थिए । प्रधानमन्त्री दाहालका साथमा नेकपा 'माओवादी केन्द्र' का वरिष्ठ उपाध्यक्ष नारायणकाजी श्रेष्ठ पनि अध्यक्ष नेपालको निवास कोटेश्वर पुगेका थिए ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपकांग्रेसको कृषि तथा किसान विभागमा १० सदस्य मनोनित
असोज १६, २०८१ बुधबार
अष्ट्रेलियाका लागि नेपाली राजदूतमा चित्रलेखा यादवको नाम अनुमोदित
असोज १६, २०८१ बुधबार
भ्रातृ संस्थाको महाधिवेशन गराउन कांग्रेसले बनायो केन्द्रीय निर्देशन समिति
असोज १६, २०८१ बुधबार
प्रहरीमा एक एआईजी, पाँच डीआईजी खाली, आरोपीलाई चुपचाप बिदाई
नेपालबहस संवाददाता
असोज १५, २०८१ मंगलबार
जनताका आँखा राजा ज्ञानेन्द्रतिर
बद्रीनरसिंह के.सी.
असोज १५, २०८१ मंगलबार
बागमती प्रदेशसभाको अधिवेशन अन्त्य
असोज १६, २०८१ बुधबार
कांग्रेसको कृषि तथा किसान विभागमा १० सदस्य मनोनित
असोज १६, २०८१ बुधबार
बाढीपहिरोमा मृत्यु हुनेको संख्या २३२ पुग्यो
असोज १६, २०८१ बुधबार
अष्ट्रेलियाका लागि नेपाली राजदूतमा चित्रलेखा यादवको नाम अनुमोदित
असोज १६, २०८१ बुधबार
छविलाल जोशीलाई रिहा गर्न सर्वाेच्चको अस्वीकार, बन्दीप्रत्यक्षीकरणको रिट खारेज
असोज १६, २०८१ बुधबार
यातायातको सहज र सुरक्षित सञ्चालनबारे गृहमन्त्री लेखक र व्यवसायीबीच छलफल
असोज १६, २०८१ बुधबार