विश्वभर फेसबुक र इन्स्टाग्राम अचानक डाउन हुँदा प्रयोगकर्ता हैरान

२२ फागुन, काठमाडाैं । सामाजिक सञ्जाल फेसबुक र इन्स्टाग्राम अचानक डाउन भएपछि प्रयोगकर्ताहरू हैरान छन् । मेटा मातहतका सोसल मिडिया प्लाटफर्म फेसुबक,मेसेन्जर र इन्स्टाग्राम विश्वभर नै अवरुद्ध भएका छन् । 

विश्वभर फेसबुक र उसका भगिनी प्लाटफर्महरु एकसाथ अवरुद्ध हुँदा ट्विटरमा #facebookdown ट्रेन्डिङ सुरु भएकाे छ । प्रयोगकर्ताले मेम्स पनि सेयर गरिरहेका छन् ।

सामाजिक सञ्जाल फेसबुक र इन्स्टाग्राम मंगलबार राति अचानक डाउन भएपछि प्रयोगकर्ताका सामाजिक सञ्जाल अकाउन्ट अचानक लग आउट भइरहेका छन् । फेसबुक र इन्स्टाग्राम अचानक डाउन भएपछि लाखौं प्रयोगकर्ताहरु समस्यामा परेका छन् ।

#facebookdown सोसल मिडिया प्लेटफर्म X मा ट्रेन्डिङ सुरु भएको छ। प्रयोगकर्ताहरूले आफ्नो गुनासोसँगै यसबारे हास्यास्पद प्रतिक्रिया पनि दिइरहेका छन् । फेसबुक डाउन भएपछि ट्वीटरमा मेम्सको बाढी आएको छ । मानिसहरू रमाइलो ट्विट गरिरहेका छन् ।

फेसबुकको आन्तरिक श्रोतलाई उधृत गर्दै डेलीमेलले जनाए अनुसार यसअघि कम्पनीको आन्तरिक प्रणालीहरु पनि अबरुद्ध भएका थिए र सोही कारण विश्वभर नै मेटाका सोसल मिडिया प्लाटफर्महरु डाउन भएका हुन् ।

मेटा कम्पनीको स्वामित्वमा रहेका सामाजिक सञ्जाल फेसबुक र इन्स्टाग्राम डाउन भएको यो पहिलो पटक भने होइन । मानिसहरूले फेसबुकमा धेरै समस्याहरू सामना गरिरहेका छन्। पहिलो पटक फेसबुक खोलिएपछि लगइन गर्न नसक्दा प्रयोगकर्ताले फोन अफ र अन गर्न थाले ।