बागमती सरकारबाट कांग्रेसका मन्त्रीले राजीनामा दिँदै

२३ फागुन, काठमाडौं । बामगती प्रदेश सरकारबाट कांग्रेसका मन्त्रीहरुले आज राजीनामा दिने भएका छन् । यो प्रदेशमा कांग्रेसका ६ जना मन्त्रीहरु रहेका छन् । कांग्रेस बागमती प्रदेश संसदीय दलका उपनेता रामकृष्ण चित्रकारले आजै कांग्रेसबार बागमती सरकारमा रहेका सबैजना मन्त्रीले मुख्यमन्त्री शालिकराम जम्कट्टेललाई राजीनामा बुझाउने बताए । 

सरकारलाई दिएको समर्थन फिर्ता लिएपछि मुख्यमन्त्रीले विश्वासको मत लिनुपर्ने छ । कांग्रेस अब प्रतिपक्षमा बस्नेछ । राजधानी हेटौँडा बाहिर रहेका कांग्रेसका मन्त्रीहरु हेटौँडा फर्कँदै छन् । नयाँ सरकारबारे केन्द्रीय नेतृत्वसँग छलफल गर्न प्रदेशका मुख्यमन्त्री शालिकराम जम्कट्टेल पनि काठमाडौंमा छन् ।