राष्ट्रपति कार्यालयले मन्त्रीको शपथ पौने ६ बजे गराउने

२३ फागुन, काठमाडौं । नवनियुक्त मन्त्रीहरूको शपथ आज साँझ पौने ६ बजे हुने भएको छ । सरकारले नयाँ मन्त्रीहरूको शपथको व्यवस्था मिलाउन राष्ट्रपति कार्यालयमा पत्र पठाएको छ । 

सरकारले पठाएको पत्रका आधारमा राष्ट्रपति कार्यालयले तयारी थालेको छ । मन्त्रीहरूको ५ बजे शपथका लागि तयारी गर्न राष्ट्रपति कार्यालयलाई पत्र पठाइएको हो । 
 
लिखित पत्र पठाएको प्रधानमन्त्रीका प्रेस सल्लाहकार गोविन्द आचार्यले जानकारी दिए । दलहरूले मन्त्रालय भागबण्डा टुंग्याएपछि प्रधानमन्त्रीले नयाँ मन्त्रिमण्डल पुनर्गठन गरेर शपथ ग्रहण हुन लागेको हो ।