गुलरिया राजापुर हुलाकी राजमार्ग अवरुद्ध

२४ फागुन, बर्दिया । बर्दियामा टिप्परको ठक्करबाट एक जनाको मृत्यु भएको छ । मधुवन नगरपालिका ५ का ४९ वर्षीय धर्म थापालाई टिप्परले ठक्कर दिँदा मृत्यु भएको जिल्ला प्रहरी कार्यालय बर्दियाले जानकारी दिए । 

भे १ ख १४८१ नम्बरको टिप्परले ठक्कर दिँदा मृत्यु भएको प्रहरीले जनाएको छ । दोषीलाई कारवाहीको माग गर्दै अहिले गुलरिया राजापुर हुलाकी राजमार्ग बन्द गरिएको छ । साइकलमा रहेका थापालाई टिप्परले ठक्कर दिँदा मृत्यु भएका हुन् ।

 स्थानीय रेशम चन्दका अनुसार दोषीलाई कारवाहीको माग गर्दै राजमार्ग अवरुद्ध गरेका छन् । टिप्परको तीव्र गति कारण स्थानीय हैरान छन् ।