किन बन्द छ बबरमहलको ट्राफिक लाइट ? (फोटोफिचर)

२९ फागुन, काठमाडौं । गत मंसिर ११ मा जडान भएको काठमाडौँको बबरमहलमा पैदलयात्रु आफैँले बटन थिचेर बत्ती बलेपछि बाटो काट्न सकिने ट्राफिक लाइट प्रविधि केहि दिनेदेखि बन्द छ । दुबैतर्फ ट्रफिक बसेर पैदल यात्रुलाई बाटो काट्न सघाउँदै आएका ट्राफिक प्रहरी पनि बस्न छाडेको छ । 

बोटा बाट्ने ठाउँमा राखिएको बटम थिच्दा बत्ति पनि बल्दैन  । जिल्ला अदालत अगाडिको सडकमा १० लाखको लागतमा काठमाडौँ महानगरपालिकाले उक्त ट्राफिक लाइट प्रविधि जडान गरेको थियो । विहान ९ देखि साढ १० बजेसम्म अति ब्यस्त देखिने उक्त ठाँउमा अहिले पैदल यात्रुहरु असरल्ल ओहोर दोहोर गरिरहेका छन् । 

पैदलयात्रु आफैँले बटन थिचेर ट्राफिक लाइट बाल्ने र बाटो काट्न सकिने ‘पेलिकन क्रसिङ’ भनिने यस प्रकारको ट्राफिक लाइट किन बन्द भयो भन्ने अगाडी जिल्ला अदालत काठमाडौंको सुरक्षामा बसेको सुरक्षाकमीलई पनि थाहा छैन् । यो लाइट थिच्दा सवारीसाधन आइरहेको साइडमा रातो र जेब्राक्रसपट्टि हरियो बत्ती बल्थ्यो ।

एकपटक बटन थिचेपछि ३० सेकेन्डसम्म बत्ती बल्ने र उक्त समय सकिएको दुई मिनेटसम्म पुनःबटन थिच्दा बत्ती नबल्ने सिस्टम सेट गरिएको थियो । रातो बत्ती बलेपछि सवारीसाधन रोकिन्छन् र यात्रुले बाटो काट्ने गरिएको थियो । 

काठमाडौँ महानगरपालिकाले बबरमहलमा रहेको जेब्राक्रसको छेउको खम्बामा बटन राखेर ‘पोलिकन क्रसिङ लाइट’ जडान गरेको हो । यस्तो लाइट यसअघि कालीमाटी चोक, सुन्धारा, भृकुटीमण्डप, सर्वोच्च अदालत र त्रिचन्द्र क्याम्पस अगाडि पनि जडान गरिएकामा मर्मतसम्भार नगरिँदा दिगो हुन सकेको थिएन । यो पनिइसतै भएको छ ।