सुन तस्करीमा नेता मुछिएपछि प्रधानमन्त्रीले बोलाए मन्त्रिपरिषदको बैठक

२ चैत, काठमाडौं । सुन तस्करीसम्बन्धी छानविन गर्न गठित जाँचबुझ आयोगले राजनीतिक दलका नेता र प्रहरी अधिकारीलाई कारवाही गर्न सिफारिस गरेपछि यसबारे छलफल गर्न प्रधानमन्त्री पुष्पकमल दाहाल प्रचण्डले मन्त्रिपरिषद्को बैठक बोलाएका छन् । आज साँझ ५ बजे सिंहदरबारमा बस्ने गरी बैठक बोलाइएको छ । 

सुनको अवैध पैठारी (तस्करी) नियन्त्रण जाँचबुझ आयोगको प्रतिवेदन कार्यान्वयनबारे छलफल गर्न शुक्रबार साँझ ५ बजे बैठक बोलाएको प्रधानमन्त्रीको सचिवालयले जनाएको छ । सरकारले सुनको तस्करी नियन्त्रणका विषयमा जाँचबुझ गर्न पूर्वन्यायाधीश डिल्लीराज आचार्य नेतृत्वमा गठन गरेको आयोगले बिहीबार सरकारलाई प्रतिवेदन बुझाएको थियो ।