आईजीपी र एआईजीलाई गृहको निर्देशन, ‘महरालाई समाउनु, कारवाही गर्नु’

४ चैत, काठमाडौं । गृह मन्त्रालयले सुन तस्करी प्रकरणमा मुछिएका नेकपा माओवादी केन्द्रका उपाध्यक्ष तथा पूर्व सभामुख कृष्णबहादुर महरालाई कारबाही गर्न निर्देशन दिएको छ । गृहमन्त्री लामिछानेले आइतबार आईजीपी वसन्त बहादुर कुँवर र सीआईबीका एआईजी श्यामलाल ज्ञवालीलाई मन्त्रालयमा बोलाएर महरालाई कारबाही गर्न निर्देशन दिएका हुन्  ।

सुन तस्करी सम्बन्धी छानबिन गर्न गठित उच्चस्तरीय जाँचबुझ आयोगले महरालाई मुद्दा चलाउन सिफारिस गरेको थियो । सोही अनुसार कारबाही गर्न निर्देशन दिइएको गृहका एक अधिकारीले नेपालबहसलाई जानकारी दिए । महरा र उनका छोरा राहुल महरा विद्युतीय चुरोट (भेप) मार्फत भएको सुन तस्करी प्रकरणमा मुछिएका थिए ।