सुन प्रकणमा पक्राउ परेका महरा नर्भिकमा भर्ना, अस्पतालमै राखेर अनुसन्धान गरिने

५ चैत, काठमाडाैं । सुन तस्करी प्रकरणको अनुसन्धानका लागि पक्राउ परेका पूर्वसभामुख एवं नेकपा माओवादी केन्द्रका उपाध्यक्ष कृष्णबहादुर महरालाई नर्भिक अस्पताल लागिएको छ । जिल्ला अदालत काठमाडौंले  अस्पतालमै बसेर अनुसन्धान गर्न पाउने गरी आदेश दिएपछि उनलाई थापाथलीस्थित नर्भिक अस्पताल लगिएको हो । 

महरालाई नर्भिकको इमरजेन्सी वार्डमा राखिएको छ । चिकित्सकहरूले उनको स्वास्थ्य परीक्षण गरिरहेका छन् । पूर्वन्यायाधीश डिल्लीराज आचार्य नेतृत्वको सुन समितिले मुद्दा चलाउन सिफारिस गरेपछि सोमबार बिहान कपिलवस्तुबाट पक्राउ परेका पूर्व सभामुखसमेत रहेका महरालाई आजै काठमाडौँ ल्याउन ल्याएर म्याद थपका लागि अदालतमा उपस्थित गराइएको थियो  । 

सुन तस्करी प्रकरणमा मुछिएका महरा प्रहरीको निगरानीमा रहँदै आएका थिए भने रोल्पा हिँडेका भनिएका उनलाई भैरहवाबाट पक्राउ गरे लगत्तै उनलाई केन्द्रीय अनुसन्धान ब्यूरो 'सीआईबी' काठमाडाैं ल्याएको थियो । महराको भेपमार्फत सुन तस्करीमा संलग्न चिनियाँ नागरिक दावाजिन वाङसँग निकट सम्बन्ध देखिएको थियो ।