साहित्य एवं कथाकार परशु प्रधानको निधन
नेपालबहस संवाददाता
चैत ६, २०८० मंगलबार १०:५६:३६
६ चैत, काठमाडौं । नेपाली साहित्य क्षेत्रका एक शिखर स्रष्टा परशु प्रधानको निधन भएको छ । सोमबार राति काठमाडौंको नयाँबानेश्वरस्थित निवासमा ८० वर्षको उमेरमा उनको निधन भएको हो ।
परशु प्रधानका दुई छोरा र दुई छोरी रहेका छन् । परशु प्रधानको जन्म २००० सालमा भोजपुरमा भएको हो । नेपाली साहित्य र राजनीति शास्त्रमा एमए अध्ययन गरेका प्रधानले २०१६ सालबाटै नेपाली साहित्यमा कलम चलाउन थालेका थिए ।
प्रधानले २०१६ सालमा ‘जीवन पथ’ कविता लेखेका थिए । २०२५ मा सबै बिर्सिएका अनुहारहरु प्रकाशित थियो भने १३ वटा कथा संग्रह प्रकाशित भएका छन् । बक्ररेखा, फेरी आक्रमण, यौटा अर्को दन्त्यकथा, असम्बद्ध, समुद्रमा अस्ताउने सूर्य, प्रतिनिधि कथाहरु, यौटा क्रान्तिपुरुषको जन्म, कथा र रचनागर्भ, उत्तरार्ध, द लिटिल बुद्ध इन टोकियो, परशु प्धानको उत्कृष्ट कथा, नेपलिज लभ स्टोरी र धनिया कथा संग्रह हुन् ।
सीताहरु र घर कथोपन्यास पनि प्रकाशित भएका छन् । करिब एक दर्जन बाल कथाहरु पनि प्रकाशित भएका छन् । नानीको कथा, सुनको छाती, रीताको स्कूललगायतका बालकथा संग्रह प्रकाशित भएका छन् । प्रारम्भमा परशु प्रधान र भूमिकै भूमिकामा परशु प्रधान भन्ने भूमिका संग्रह पनि प्रकाशित भएका छन् ।
त्यसैगरी भोजपुरः एक अध्ययन, सजिलो नागरिक शास्त्र, सगरमाथा अञ्चलको भूगोल, सामान्य ज्ञान डाइजेस्ट (२९ संस्करणसम्म प्रकाशित भएका छन् । प्रधानलाई नेपाल साहित्य संस्थान पुरस्कारसहित दुई दर्जन पुरस्कारबाट सम्मान गरिएको थियो ।
लेखेर कहिल्यै नथाक्ने र सधैं चलायमान रहिरहने परशु प्रधानको सक्रियता प्रोस्टेटको शल्यक्रियापछि केही वर्षयता सुस्ताएको थियो । साहित्य क्षेत्रको विधाको हिसाबले उनी धेरै विधामा बाँडिएका छन् । कथा, बालकथा, निबन्ध, समीक्षा, समालोचनाबाट उनलाई धेरैले चिन्ने गरेका छन् । उनको बहुआयामिक परिचय छ । यद्यपि उनमा कथाकै आधिपत्य छ ।
सरकारी जागिर खान पूर्वतयारी गर्नेहरुले उनलाई सामान्य ज्ञान लेख्ने लेखकको रुपमा चिन्ने गर्दछन् । उनका सामान्य ज्ञान डाइजेस्ट २९ संस्करणसम्म प्रकाशित छन् । यसैगरी पुस्तक विमोचनको संस्कृति नेपालमा भित्र्याउने श्रेय पनि परशु प्रधानलाई नै जाने गर्दछ ।
त्यसैले श्रीओम श्रेष्ठ रोदनले गोरखापत्रमा उनीबारे लेखेका छन्, ‘परशु प्रधानलाई कथाकार भनेर मात्र पुग्दैन । कञ्जुस्याइँ गरेको जस्तो हुन्छ । सिद्धहस्त आख्यानपुरुष नै भन्नुपर्छ ।’
भोजपुरको माटोमा जन्मिएका धेरै सिर्जनशील व्यक्तित्वमध्ये परशु प्रधान पनि एक हुन् । २००० सालमा भोजपुरमा जन्मिएका परशु नेवारको छोरा भए पनि बाहुनकी छोरी जानुकादेवी रेग्मी (साहित्यमा कल्पना प्रधान) लाई भगाएर बिहे गरेर क्रान्तिकारी जीवनको शुरुवात गरेका थिए ।
जात नमिलाएर अन्तरजातीय विवाह गरेकाले उनलाई त्यतिबेलाको कानुन अनुसार १२ वर्ष जेल र उनकी श्रीमतीलाई ६ वर्षसम्म जेल सजाय हुन सक्थ्यो, त्यसैले आफूले मन पराएकी जानुकादेवीलाई लिएर उनी भोजपुरबाट भागेर मोरङहुँदै भारतको बनारससम्म पुगेर लुकेका थिए । २०२० साल भदौ १ गते नयाँ मुलुकी ऐन आएपछि मात्र उनी आफ्नै देशमा सार्वजनिक रुपमा हिंडडुल गर्न पाएका थिए ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपबालेनको कविता संग्रह ‘अश्र’ सार्वजनिक
बैशाख १४, २०८१ शुक्रबार
चित्रकलामा भविष्य खोजिरहेकी निर्मला
बैशाख १३, २०८१ बिहिबार
जर्मनीको फ्रयान्कफर्टमा रन्जु यादवको एकल चित्रकला प्रदर्शनी
बैशाख ११, २०८१ मंगलबार
एसपीको ड्राइभर कि घुमुवा ?
नेपालबहस संवाददाता
बैशाख १७, २०८१ सोमबार
आईजीकै सचिवालयमा एसएसपी कार्कीको चुरीफुरी !
नेपालबहस संवाददाता
बैशाख १९, २०८१ बुधबार
बिहानै कतार एयरको विमानसँग सिम्रिक हेलिकप्टर ठोक्किन आइपुगेपछि.....
नेपालबहस संवाददाता
बैशाख १८, २०८१ मंगलबार
नबिल बैंकको वीरगञ्ज शाखाबाट १ करोड ३४ लाख नोट चोरी, चोर खोज्दै प्रहरी
नेपालबहस संवाददाता
बैशाख १८, २०८१ मंगलबार
आईजीकै सचिवालयमा एसएसपी कार्कीको चुरीफुरी !
बैशाख १९, २०८१ बुधबार
सशस्त्र प्रहरी बलका १६ डीआईजी र १८ एसएसपीको सरुवा, मधेश प्रदेशमा धौबजी र कोशीमा सुवेदी
बैशाख १९, २०८१ बुधबार
नेपालगञ्ज मेडिकल कलेजको शेयर संरचना परिवर्तन, अध्यक्षमा व्यवसायी खुमा अर्याल सर्वसम्मत
बैशाख १९, २०८१ बुधबार
विश्वकै प्रदुषित शहरमा काठमाडौं शीर्ष स्थानमा
बैशाख २०, २०८१ बिहिबार
टी-२० विश्वकप खेल्ने क्यानडाको टिम घोषणा, को को परे ?
बैशाख २०, २०८१ बिहिबार
सुनचाँदीको मुल्य बढ्यो, तोलाको कति पुग्यो ?
बैशाख २०, २०८१ बिहिबार
सरकारले सूचना प्रविधिका क्षेत्रमा कोष स्थापना गर्छः प्रधानमन्त्री
बैशाख २०, २०८१ बिहिबार
अर्थमन्त्रीले कसरी बनाउँदैछन आगामी बजेट ?
बैशाख २०, २०८१ बिहिबार
विनिमय दर: डलर स्थिर रहँदा युराे र पाउण्ड घट्याे
बैशाख २०, २०८१ बिहिबार