ठाकुरबाबा नगरपालिकाको अर्को बदमासी, अदालतको आदेश लत्यायो
नेपालबहस संवाददाता
चैत ९, २०८० शुक्रबार १०:१३:२६
•दीपक शर्मा
७ चैत, बर्दिया । नगर प्रहरी भर्तीदेखि एउटा दमकल समेत खरिद गर्न नसकेको ठाकुरबाबा पालिकाले पछिल्लो पटक अदालतको आदेशसमेत लत्याइदिएको पाइएको छ । ठाकुरबाबा नगरपालिका बाहिर जुन रुपमा देखिएको छ, त्यसका ठीक विपरीत भित्री रुप रहेको छ ।
भ्रष्टाचार, ढिलासुस्ती र अनियमितताको विरुद्ध बाहिर चर्को बहस गर्ने पालिका आफैं भ्रष्टाचार, ढिलासुस्ती तथा अनियमितताको अखडा बन्दै गएको छ । त्यति मात्र नभएर पछिल्लो पटक राजनीतिक पूर्वाग्रह राखेर कर्मचारीलाई हटाउने काम गरेको नगर नेतृत्वले अदालतको आदेशलाई समेत लत्याइदिएको छ । विगत ८ वर्षदेखि नगरपालिकामा मेलमिलाप कर्ताका रूपमा कार्यरत राधा आचार्यलाई मेयर, उपमेयर तथा कार्यालय प्रमुखले फरक पार्टी भएको कारण चैत १ गतेबाट काम गर्न रोक लगाएका छन् ।
ठाकुरबाबा नगरपालिकाका मेयर तिलकराम लम्साल नेपाली कांग्रेस र उपमेयर विना कुमारी भट्टराई एमालेका हुन् । हाजिर हुनबाट रोकिएकी कर्मचारी राधा भने माओवादी केन्द्रको नगर कमिटी अध्यक्ष नेत्रराज आचार्यकी पत्नी हुन् ।
२०८० साउन २७ गते सम्पूर्ण मेलमिलाप कर्ताको करार नवीकरण नगर्ने निर्णय भएपछि राधाले उच्च अदालत नेपालगञ्जमा रिट निवेदन दायर गरेकी थिइन् । अदालतको अन्तरिम आदेशपछि उनले २०८१ असार ३० सम्मका लागि करार नवीकरण प्राप्त गरिन् ।
अदालतले माघ १० गते सो प्रकरणमा आदेश गर्दै उक्त पदमा लोक सेवा आयोगबाट स्थायी नियुक्ति नहुँदासम्म करारका कर्मचारीलाई नहटाउन भनेको छ । तर ठाकुरबाबा नगरपालिकाले अदालतको आदेशलाई समेत लत्याइदिएको छ । अब यस्तो अवस्थामा पालिकाबाट नगरवासीले के अपेक्षा गर्ने ? नगरवासीले प्रश्न खडा गरेका छन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपलुम्बिनीका ७ जना मन्त्रीले पाए जिम्मेवारी
बैशाख १२, २०८१ बुधबार
लुम्बिनी विकास कोषले देखायो हदैसम्मको लापरवाही, अहिलेसम्म फेरिएन च्यातिएको झण्डा
बैशाख १२, २०८१ बुधबार
बाँकेका विभिन्न सामुदायिक वनमा डढेलो
बैशाख ९, २०८१ आइतबार
सत्ता समीकरणः एमालेको साथ माओवादीलाई गलपासो, समाजवादी मोर्चाप्रति ओली संकिर्ण
नेपालबहस संवाददाता
बैशाख १३, २०८१ बिहिबार
तीनदिने अनुसन्धनात्मक लेखन कार्यशाला तथा तालिम सुरु
नेपालबहस संवाददाता
बैशाख १४, २०८१ शुक्रबार
हिमालयन बैंकका सीईओको वार्षिक तलब, भत्ता २ करोड माथि, शेयरधनीलाई छैन लाभांश !
बैशाख १५, २०८१ शनिबार
व्यवसायी घराना ज्योति समूहमाथि चौधरीको आक्रमण, मोटोकर्पका सबै कारोबारमा सिजीको हस्तक्षेप
बैशाख १५, २०८१ शनिबार
हेमन्त ‘कान्छा’ र लोचन भट्टाराईको प्रस्तुतिमा पुनः ‘जाउँ साइँली बेनी बजार’ रेकर्ड
बैशाख १५, २०८१ शनिबार
एकै ओभरमा सागर ढकालले लिए दुई विकेट
बैशाख १६, २०८१ आइतबार
तेस्रो लगानी सम्मेलनमा नेपालमा लगानी गर्न आग्रह (फोटोफिचर)
बैशाख १६, २०८१ आइतबार
बझाङको मतगणना १ बजेदेखि जिल्ला अदालत चैनपुरमा शुरु हुने
बैशाख १६, २०८१ आइतबार
इलाममा ९ हजार ७ सय ४ मत खसेको फाकफोकथुम गाउँपालिकाबाट मत गणना सुरु
बैशाख १६, २०८१ आइतबार
आजदेखि सात जिल्लामा हात्तीपाइलेविरुद्धको औषधि खुवाइँदै
बैशाख १६, २०८१ आइतबार