सिराहामा बाहिरियो नेपाली विषयको प्रश्न पत्र

१६ चैत, सिरहा । सिरहामा परीक्षा संचालन भएको १० मिनेट  नवित्दै  एसईई परीक्षाको नेपाली विषयको प्रश्नपत्र बाहिरिएको छ । परीक्षा सुरु भएको १० मिनेटमै नेपाली विषयको प्रश्न पत्र वाहिरिएको हो । 

निजी विद्यालयहरूले फ्लाप बनाउन सक्रिय गरेका टोलीलाई परीक्षा हलबाट एक थान प्रश्न पत्र केन्द्राध्यक्ष र गार्डहरूकै सहयोगमा बाहिर निकालिएको थियो । त्यहाँबाट तस्बिर खिचेर सामाजिक सञ्जाल ह्वाटसअप मार्फत छ्यासछ्यास्ती बनाइएको छ । 

परीक्षा हल वरिपरी फोटोकपी मेसिन सहित चिट बनाउने टोलीहरु सक्रिय रूपमा बसेका छन् । सिरहा जिल्लाभरी नै नेपाली विषयको प्रश्नपत्र सामाजिक संजाल मार्फत निजी विद्यालयहरूको हात हातमा पुगेको छ ।