रुसी सेनामा कार्यरतका आफन्त सिंहदरवारबाट पक्राउ

१९ चैत, काठमाडौं । प्रहरीले सिंहदरबार अगाडिबाट रुसी सेनामा कार्यरत नेपालीका आफन्तलाई पक्राउ गरेको छ । रुसी सेनामा भर्ना भएकाहरूको जीवन रक्षाको माग गर्दै प्रदर्शन गर्ने क्रममा उनीहरुलाई प्रहरीले नियन्त्रणमा लिएको हो । 

रुसी सेनामा रहेका नागरिकको जीवन रक्षाको लागि प्रदर्शनमा उत्रिएका १४ जना बढीलाई नियन्त्रणमा लिएको प्रहरीले जनाएको छ । प्रहरीका अनुसार प्रदर्शनका लागि रोक लगाइएको क्षेत्रमा प्रवेश गरेकाले उनीहरुलाई नियन्त्रण लिनु परेको हो । 

सोमबार बिहान रुसी सेनामा गएर सम्पर्कविहीन भएकाहरूको खोजी, मृत्यु भएकाहरूको शव फिर्ता र अलपत्र परेकाहरूको उद्धारको माग राख्दै उनीहरुले सिंहदरबारको दक्षिण गेट अगाडि प्रदर्शन गरेका थिए ।