नेपाल आइडलका विजेता ओडविरुद्ध पक्राउ पुर्जी जारी

२३  चैत, कञ्चनपुर । प्रहरीमा वैवाहिक बलात्कारसम्बन्धी उजुरी परेपछि नेपाल आइडल सिजन–२ का विजेता रवि ओडविरुद्ध पक्राउ पुर्जी जारी भएको छ । जिल्ला प्रहरी कार्यालय कञ्चनपुरका प्रवक्ता पुष्कर पन्तका अनुसार उनकी पत्नीले रवि विरुद्ध वैवाहिक बलात्कार भएको उजुरी दिएकी हुन् । 
 
श्रीमतीले आफूमाथि वैवाहिक बलात्कार गरेको भन्दै उनले जाहेरी दिएकी हुन् । कञ्चनपुरको इलाका प्रहरी कार्यालय झलारीमार्फत वड पत्नीले जाहेरी दिएपछि अदालतबाट पक्राउ पुर्जीसमेत जारी भइसकेको उनले बताए । कृष्णपुर नगरपालिका, गुलरियाका बासिन्दा ओड अहिलेसम्म पक्राउ नपरेको प्रहरीले जनाएको छ ।