कर्णालीको मुख्यमन्त्रीमा यामलाल कँडेल नियुक्त

२७ चैत, सुर्खेत । कर्णाली प्रदेशको मुख्यमन्त्रीमा यामलाल कँडेल नियुक्त भएका छन् । प्रदेश प्रमुख तिलक परियारले संविधानको धारा १६८ (२) अनुसार नेकपा एमाले संसदीय दलका नेता कँडेललाई मुख्यमन्त्री नियुक्त गरेका हुन् । ४० सदस्यीय कर्णाली प्रदेशसभामा एमालेका ९ प्रदेश सांसद छन् । 

सहमतिअनुसार माओवादी र एकीकृत समाजवादीको समर्थनमा कँडेलले मुख्यमन्त्रीमा दाबी पेश गरेका थिए । मुख्यमन्त्री कँडेलले अघिल्लो कार्यकालमा मुख्यमन्त्री बन्न धेरै प्रयास गर्दा पनि उनी सफल हुनसकेको थिएनन् ।