सल्यानमा बस दुर्घटना अपडेट: १३ जना घाइते

५ वैशाख, काठमाडौं । सल्यान बस दुर्घटनामा १३ जना घाइते भएका छन् । दाङको घोराहीबाट रुकुम जाँदै गरेको बस सल्यानको बागचौर नगरपालिका वडा नं २ ठिनबाङ खोलामा दुर्घटना भएको छ ।

रा १ ख २०८५ नम्बरको बस ठिनबाङ खोलाको पुलबाट खस्दा १३ यात्रु घाइते भएका छन् । घाइतेको थारमारे प्राथमिक स्वास्थ्य केन्द्रमा उपचार भइरहेको जिल्ला प्रहरी कार्यालय सल्यानले जनाएको छ । गुडिरहेको बस अनियन्त्रित भएर दुर्घटना भएको बताइएको छ ।