रुसी सेनामा कार्यरत आफन्तद्वारा सिंहदरवारमा प्रदर्शन, ११ जना पक्राउ

६ वैशाख, काठमाडौं । रुसी सेनामा भर्ती भएका नेपालीको सकुशल उद्धार गरी नेपाल ल्याउन माग गर्दै पीडित परिवारले प्रदर्शन गरेका छन् । उनीहरूले बिहिबार सिंहदरबार दक्षिण गेट अगाडि प्रदर्शन गरेका हुन् । 

युद्धमा घाइते नेपालीको उपचार, क्षतिपूर्ति र नेपाल ल्याउन सरकारलाई कूटनीतिक पहल गर्न दबाब दिन पीडित परिवारले सिंहदरबार दक्षिण गेटमा प्रदर्शन गरेका हुन् । प्रदर्शनमा सहभागी ११ जनालाई प्रहरीले पक्राउ गरेको छ । पक्राउ परेकाहरूलाई महानगरीय प्रहरी वृत्त सिंहदरबारमा राखिएको छ ।