शमी साहित्य साधना सम्मान घोषणा

वैशाख ७, काठमाडौँ । शमी साहित्य प्रतिष्ठानले ‘शमी साहित्य साधना सम्मान’ बाट विभिन्न साधकलाई प्रत्येक वर्ष रु एक लाख एक हजार एक सय एक राशिको पुरस्कारसहित सम्मान प्रदान गर्दै आएको छ । प्रतिष्ठानले तीन वर्षदेखि विभिन्न साधकलाई उक्त पुरस्कार प्रदान गर्दै आएको हो ।

 प्रतिष्ठानले संयुक्तरुपमा २०७८ का लागि कृष्ण गौतम र राप्रउ पोखरेल, २०७९ का  लागि ज्ञान उदास र रामबाबु घिमिरे तथा २०८० का लागि प्रेमविनोद नन्दन र कृष्णप्रसाद दाहाललाई सो सम्मान प्रदान गर्ने निर्णय गरेको हो ।

 प्रतिष्ठानका अध्यक्ष प्रदीप नेपालको अध्यक्षता र संरक्षक डोलिन्द्रप्रसाद शर्माको उपस्थितिमा सम्पन्न बैठकले सिफारिस समितिको सिफारिसका आधारमा प्रतिभा चयन गरेको जनाएको छ ।

 प्रतिष्ठानले विसं २०६७ देखि वरिष्ठ र ओझेलमा परेका साधकलाई उक्त सम्मान दिँदै आएकामा प्राविधिक कारण गत वर्षमा वितरण हुन नसकेको जनाएको छ । तीनै वर्षका लागि साधक सिफारिस गर्न प्रा डा कृष्णहरि बरालको संयोजकत्वमा साहित्यकार श्रीओम श्रेष्ठ ‘रोदन’ र डा नवराज लम्साल रहेको चयन समिति गठन गरिएको थियो ।
      
 प्रतिष्ठानले कक्षा १२ मा लैङ्गिक समता विषयमा सर्वोत्कृष्ट हुने विद्यार्थीलाई रु २० हजार राशिको समता लैङ्गिक अध्ययन पुरस्कार पनि प्रदान गर्दै आएको छ । पछिल्ला तीन वर्षका लागि क्रमशः आशा अधिकारी, मनिता गुरुङ र राजु जिसीलाई सो पुरस्कार प्रदान गरिने भएको छ । राष्ट्रिय परीक्षा बोर्डको वार्षिक नजिताअनुसार उहाँहरुलाई पुरस्कार प्रदान गर्न लागिएको प्रतिष्ठानले जनाएको छ ।