गौं हत्या गर्नेलाई कारवाहीको माग गर्दै 'सिडिओ' लाई ज्ञापन पत्र

१० वैशाख, नेपालगन्ज। राष्ट्रिय एकता अभियानले गौं हत्याको विरोधमा नेपालगन्जमा प्रदर्शन गरेको छ । अभियानका राष्ट्रिय अध्यक्ष विनय यादवको नेतृत्वमा सोमबार गौं हत्यारालाई कारवाहीको माग गर्दै प्रदर्शन गरेको हो ।  

गौं हत्याले हिन्दु समुदायको धार्मिक आस्थामा चोट पुगेको र धार्मिक सहिष्णुतामाथी प्रहार गरेको अध्यक्ष यादवले बताए । दोषीलाई कारवाहीको माग गर्दै उनीहरुले प्रमुख जिल्ला अधिकारी श्रावण कुमार पोखरेललाई ज्ञापन पत्र समेत बुझाएका छन् । 

नेपालगन्ज वडा नम्बर १४ मा भर्खरै ५ महिनाकी गर्भवती गाईको हत्या भएको खबर आएको छ ।  यो कार्यले हिन्दू समुदायको धार्मिक आस्थामा चोट पुर्‍याउने मात्र होइन, हाम्रो धार्मिक सहिष्णुताको भावनामा पनि प्रहार भएको देखिन्छ, अभियानका बाँके जिल्ला संयोजक राजकुमार रौनियारद्वारा हस्ताक्षरीत ज्ञापन पत्रमा भनिएको छ ।