तेस्रो लगानी सम्मेलनमा नेपालमा लगानी गर्न आग्रह (फोटोफिचर)

१६ वैशाख, काठमाडौं । काठमाडौंमा तेस्रो लगानी सम्मेलन सुरु भएको छ । दुई दिनसम्म चल्ने यो सम्मेलन लगानीकर्ताका लागि महत्वपूर्ण अवसरका रुपमा हेरिएको छ । यस सम्मेलनमा विभिन्न चरणमा रहेका धेरै परियोजनाहरू शो केसमा राखिएको छ । 

मुलुकमा प्रत्यक्ष वैदेशिक लगानी भित्र्याएर कलकारखाना, उद्योगधन्दा स्थापनालगायत आर्थिक उन्नयनका परियोजना कार्यान्वयन गर्ने लक्ष्यका साथ तेस्रो लगानी सम्मेलन सुरु भएको हो ।

सम्मेलनमा लगानीका निम्ति नौ खर्ब बराबरका एक सय ५१ परियोजना प्रस्तुत गरिँदै छन् । सम्मेलनमा प्रधानमन्त्री, अर्थमन्त्री, नेपाल उद्योग बाणिज्य महासँगका अध्यक्षलगायत उपस्थित लगानीकर्ताहरुलाई नेपाल लगानीका लागि उपयुक्त थलो भएको भन्दै लगानी गर्न आग्रह गरेका छन् ।