यस्ता छन् गर्मीबाट बच्ने उपाय
नेपालबहस संवाददाता
बैशाख १८, २०८१ मंगलबार १३:३७:१
१८ वैशाख, काठमाडौं । यतिबेला देशको विभिन्न भूभागहरुमा गर्मी अत्यधिक बढ्न थालेको छ । गर्मी बढेपछि तराइका धेरै जिल्लाकाे जनजीवन निकै प्रभावित बन्न थालेको छ । जब तापमान उच्च हुन्छ र सूर्यको उज्यालो तीव्र हुन्छ तब जमीनमा उच्च तापमानले असहज परिस्थिती बन्छ । यसकारण हामीहरूले गर्मी र यसबाट लाग्नसक्ने सम्भावित स्वास्थ्य समस्याबाट बच्नका लागि अपनाउन सकिने केही उपायहरु अपनाउन सकिन्छ ।
ग्रीष्म ऋतु शुरु भएसँगै अत्याधिक पसिना आउने, कमजोरी महसुस हुने, चक्कर लाग्ने, हेर्न समस्या हुने, धेरै तिर्खा लाग्ने, वाकवाकी लाग्ने, टाउको दुख्ने, सास फेर्न असजिलो हुने, मुटुको धड्कन बढ्ने, छाला पहेंलो हुने जस्ता विभिन्न समस्याहरू निम्तिन्छन् l तर डराउनु पर्दैन, हामीले केही उपाय तथा पूर्व तयारी गरियो भने हामीले गर्मीबाट हुने जोखिमलाई कम गर्न सकिन्छ । यस लेखमा हामीले गर्मीबाट निम्तिन सक्ने समस्याहरूलाई कम गर्ने ७ सुझावहरू प्रस्तुत गरेका छाैँ ।
१. हाइड्रेशन:
गर्मी माैषममा हाम्रो शरीरको सबैभन्दा राम्रो साथी भनेको पानी हो । प्रयाप्त मात्रामा पानी पिउनाले हाम्रो शरीरलाई विभिन्न तरिकाबाट फाइदा दिने गर्दछ । तपाईलाई तिर्खा नलागेको भए ता पनि हाइड्रेटेड रहनको लागि नियमित रूपमा पानी पिउने गर्नुहोस् । सामान्यतया प्रति दिन लगभग ८ कप (६४ औंस) पानी पिउनु शरीरका लागि उत्तम मानिन्छ । पानीले तिर्खा मेटाउने काम मात्र गर्दैन, यसले हाम्रो शरीरको तापक्रम नियन्त्रण गर्न पनि मद्दत गर्छ । गर्मीबाट बच्ने पहिलो उपाय भनेको नियमित रुपमा पानी सेवन गर्ने हो । हाइड्रेशन हाम्रो छालाबाट पनि हुने हुँदा चिसो पानीले पनि नुहाउदा पनि यसले गर्मीको प्रभाव कम गर्न सकिन्छ ।
२. पार्क वा सितल भएको ठाउँमा बस्नुहोस्:
चर्को घाम लागीरहेको बेला सकेसम्म छत, रुख वा छाताको छायामा बस्नुहोस् । घर भित्र बसिरहनुभएको छ भने पंखा वा एसीको शितलतामा बस्नुहोस् । प्रत्यक्ष सूर्यको किरणबाट बच्नाले गर्मीमा हुने जोखिमलाई उल्लेखनीय रूपमा कम गर्न सकिन्छ । गर्मीबाट छुटकाराको लागि हरियाली र पर्याप्त छाया भएको पार्कहरू, बगैंचाहरू, वा तालहरूमा जानुहोस् । प्रकृतिसँग जोडिनुले तपाईंलाई शान्त रहन मात्र मद्दत गर्दैन, तपाईंको दिमाग र मनलाई पनि आनन्दित हुन मद्दत गर्दछ ।
३. कपडाको छनाैट:
कपडाको छनौटले पनि गर्मीयाममा हामीलाई गर्मीको प्रकोपबाट बचाउने गर्दछ l विशेष गरी गाढा रङका लुगाहरूको साटो हल्का, लुज-फिटिंग कपडाहरू लगाउने गरेमा पनि गर्मीको जोखिम कम हुने गर्दछ । कपास वा लिनेन जस्ता कपडाहरू लगाउने गर्नुहोस्, किनकि तिनीहरूमा हावाको संचार राम्रो हुन्छ र तपाईंको शरीरलाई धेरै तातो हुनबाट रोक्दछ ।
४. खानेकुराहरू:
गर्मीयाममा विशेषत हामीले शरीर चिसो बनाउने खानेकुरा वा फलफूल जस्तै खर्बुजा, काक्रो, नरिवल, सुन्तला, कागती, अंगुर, भुइकटर, अनार, अम्बा, आदि खाने गर्नु पर्दछ । यस्ता फलफूलले पनि शरीरलाई हाईड्रेट गर्ने गर्दछन् । त्यसै गरी अदुवा, बेसार, मरिच, तोरी, लगायत शरीरलाई गर्मी गर्ने खानेकुराहरूलाई कम गर्नु पर्दछ ।
५. घर शितल बनाउने:
आफ्नो बस्ने ठाउँलाई प्रत्यक्ष सूर्यको किरणबाट जोगाउन पर्दा वा ब्लाइन्डहरू प्रयोग गर्नुहोस् । इलेक्ट्रोनिक सामाग्री प्रयोग नभएको बेला बन्द गर्ने र घरमा हावाको बहावलाई सञ्चालन गर्नु पर्दछ । साथ साथै गर्मीको जोखिमबाट बच्नका लागि घर वरपर रुख बिरुवाहरू रोप्ने गर्नु पर्दछ l जस कारण घर वरपरको वातावरणलाई शितल बनाउने गर्दछ l
६.मौसम पूर्वानुमानबारे सूचित रहनुहोस् l
मौसमको अवस्था कस्तो छ र कस्तो हुन सक्छ भन्ने विषयमा जानकार रहेमा, त्यसै अनुसार पहिरन छनौट गर्ने तथा आफ्ना गतिविधिहरू योजना गर्न र आवश्यक सावधानीहरू लिन सक्नुहुन्छ ।
७. सन स्क्रिनको प्रयोग गर्ने
घामबाट निस्किएका अल्ट्रा भाइलेट (UV rays) जस्ता घातक विकीरणहरूबाट बचाउनका लागि गर्मीयाममा घर बाहिर निस्कँदा चिकित्सकको सल्लाह अनुसार आफ्नो छालालाई मेल खाने सन स्क्रिनको प्रयोग गरेमा छालामा आउन सक्ने समस्या न्यूनीकरण हुनुका साथै क्यान्सर जस्तो जोखिमपूर्ण रोगको सम्भावनालाई कम गर्न सकिन्छ l
यी ७ सुझावहरूको साथ, तपाईं गर्मीको असरलाई न्यूनिकरण गर्न सक्नुहुन्छ । यदि यी उपाय अबलम्बन गर्दा गर्दै पनि तपाईँको स्वास्थ्यमा समस्या आएमा हाम्रो पात्रो हेल्थमा अनलाईन परामर्श लिन सक्नुहुन्छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपयी ४ जनाले भुलेर पनि नखानुस् मेवा
जेठ ७, २०८१ सोमबार
गर्मीमा खानुहोस् यी फलफूल, पेट र दिमाग दुवै चिसो हुनेछ
जेठ ५, २०८१ शनिबार
पानीको कमीले गर्मीमा बेचैनी निम्त्याउँछ, दैनिक खानुहोस् यी पाँच चीज
जेठ ५, २०८१ शनिबार
देउवा–रवी गोप्य भेटघाटः टिओआर खुकुलो बनाउने प्रस्तावप्रति ठाडै अस्वीकार
जेठ ७, २०८१ सोमबार
पशुपतिनाथको भेटी चोर्ने आठ जना पक्राउ
जेठ ७, २०८१ सोमबार
चिनको कोइला खानीमा दुर्घटना हुँदा पाँच जनाको मृत्यु
जेठ ८, २०८१ मंगलबार
म्याग्दीमा नौ सय रोपनी जग्गामा बर्खे आलु खेती
जेठ ८, २०८१ मंगलबार
कुमारी बैंकको विनाधितो फोन लोन सुविधा
जेठ ८, २०८१ मंगलबार
बीपीसीलाई विद्युत महसुल बढाउने अनुमति दिएपछि उपभोक्ताहरु चरणबद्ध आन्दोलनमा
जेठ ८, २०८१ मंगलबार
कञ्चनपुरमा राष्ट्रियस्तरको क्रिकेट खेल मैदान निर्माण सुरु
जेठ ८, २०८१ मंगलबार
सहकारी मार्फत महिला व्यावसायिक बन्दै
जेठ ८, २०८१ मंगलबार