कालीकोट सदरमुकाममा सधैँ खानेपानीको अभाव
नेपालबहस संवाददाता
बैशाख १८, २०८१ मंगलबार १६:३६:४८
१८ वैशाख, कालीकोट । कालीकोटको सदरमुकाम खाँडाचक्र नगरपालिका–१ मान्म बजारमा सधैँ खानेपानीको अभाव हुने गरेको छ । वर्षामा बाढीपहिरो र गर्मीयाममा पानी मुहान सुक्ने गरेकाले खानेपानी अभाव हुने गरेको हो ।
सदरमुकाम मान्म बजारमा दिन प्रतिदिन बढ्दो मानवीय चाप र खानेपानी व्यवस्थापन भरपर्दो नहुँदा खानेपानीको सधैँ अभाव हुने गरेको छ । सदरमुकाम मान्म बजारमा सधैँ नै खानेपानी अभाव हुने गरेको पानी धेरै टाढाका मुहान गएर ल्याउनुपर्ने बाध्यता रहेको छ ।
सदरमुकाम मान्म बजारमा लामो समयदेखि होटेल व्यवसाय गर्दै आएका नरहरिनाथ गाउँपालिका–६ का गोर्खबहादुर बटालाले खानेपानी समस्या समाधान गर्नुपर्नेमा जोड दिए । ‘घरमा वितरण गरिएका खानेपानीका धारामा हप्तामा एक दिन पानी आउँछ ।’ उनले भने, “१० देखि १५ मिनेटसम्म खानेपानीको धारामा पानी आउने भएकाले त्यसले खानेपानी पनि पुग्दैन ।”
हिउँद र गर्मीयाममा मात्रै नभएर वर्षात्को समयमा टाढाबाट ल्याएको खानेपानीमा खोलाखोल्सामा आउने पहिरो, गाईबस्तु चराउने व्यक्तिले पानीका पाइपको लाइन काट्ने भएकाले मान्म बजारमा खानेपानी सधैँ अभाव हुने गरेको सदरमुकाम मान्म बजारमा व्यवसाय गर्दै आएका भानु आचार्यले बताए ।
‘यहाँ सधैँ खानेपानीको वितरणमा एकरुपता नहुँदा खानेपानीको अभाव हुने गरेको छ ।’ उनले भने, “पहुँचवालाको घर तथा कार्यालयमा रातदिन जाने पानीका कारणले पनि बजारमा अभाव हुने गरेको छ ।” खाँडाचक्र नगरपालिकाको मान्म बजारमा पानीको मुहानको अभावले खानेपानीको समस्या रहेको वडाध्यक्ष धर्मराज टमटाले बताए । ‘खानेपानीको अभाव हुनुमा मुहान सुक्नु र पाइपका लाइनमा प्वाल परेका कारणले समस्या भएको छ ।’ उनले भने, “खानेपानी समस्या टार्नका लागि वडा तथा नगरपालिकाले पहल गरेको भए पनि समस्या टार्न सकिएको छैन ।”
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपबजेट अभावमा पर्वतका एक सय १५ खानेपानी आयोजना अधुरै
जेठ ८, २०८१ मंगलबार
उदिपुर–मार्कीचोक–भरतपुर २२० केभी प्रसारण लाइन निर्माणमा विलम्ब
जेठ ८, २०८१ मंगलबार
बजेट अभावमा खानेपानी आयोजना निर्माण ठप्प
जेठ ७, २०८१ सोमबार
देउवा–रवी गोप्य भेटघाटः टिओआर खुकुलो बनाउने प्रस्तावप्रति ठाडै अस्वीकार
जेठ ७, २०८१ सोमबार
पशुपतिनाथको भेटी चोर्ने आठ जना पक्राउ
जेठ ७, २०८१ सोमबार
संसदीय इतिहासमा कलंकित दिन, २०८१ साल जेठ ७ गते
जेठ ७, २०८१ सोमबार
मार्शल लगाएर प्रतिनिधि सभाबाट धन्यवाद प्रस्ताव पारित, प्रधानमन्त्रीलाई स्कर्टिङ
जेठ ८, २०८१ मंगलबार
कान्तिपुर पब्लिकेसनका अध्यक्ष कैलाश सिरोहियाविरुद्ध पक्राउ पुर्जी जारी
जेठ ८, २०८१ मंगलबार
बजेट अभावमा पर्वतका एक सय १५ खानेपानी आयोजना अधुरै
जेठ ८, २०८१ मंगलबार
चितवनमा पहिलोपटक शल्यक्रियाबिना मुटुको प्वाल टालियो
जेठ ८, २०८१ मंगलबार
रविको ‘रिभेन्ज’ अभिव्यक्ति र भ्रष्टाचारको सौदाबाजी !
जेठ ८, २०८१ मंगलबार
सचेतकहरुसँग छलफल सकिएपछि संसद बैठक सुरुहुने
जेठ ८, २०८१ मंगलबार