थपलिया पूर्वाञ्चल र गौतम मध्यपश्चिको उपकुलपति

१८ वैशाख, काठमाडौं । सरकारले पूर्वाञ्चल विश्वविद्यालयको उपकुलपतिमा प्रा.डा. विजुकुमार थपलिया र मध्यपश्चिम विश्वविद्यालयमा प्रा.डा. ध्रुवकुमार गौतमलाई नियुक्त गरेको छ ।  

प्रधानमन्त्री प्रचण्डले थपलिया र गौतमलाई मंगलबार उपकुलपतिमा नियुक्त गरेका हुन् । थपलिया पूर्वाञ्चल विश्वविद्यालय व्यवस्थापन संकायका पूर्व डिन थिए भने गौतम त्रिवि योजना निर्देशनालयका निर्देशक थिए । 

मध्यपश्चिम विश्वविद्यालयको उपकुलपतिमा सिफारिस समितिले नन्दबहादुर सिंह, देवबहादुर खड्का र प्रा डा धुव्रकुमार गौतमलाई सिफारिस गरेको थियो ।  पूर्वाञ्चलमा शिक्षामन्त्री सुमना श्रेष्ठको अध्यक्षतामा उपकुलपति छनोट तथा सिफारिस समिति गठन भएको थियो । दुवै समितिले दरखास्त माग गरी कार्ययोजना, सोचपत्र र अन्तर्वार्ताको आधारमा छनोट गरी सिफारिस गरेका थिए ।