रिभर फल्स पावरको सभा आज बस्दै, के-के छन् एजेण्डा ?

२० वैशाख, काठमाडौं । रिभर फल्स पावर कम्पनीको बिहिबार (आज) वार्षिक साधारणसभा बस्ने भएको छ । रिभर फल्स पावर कम्पनीको २ आर्थिक वर्षको वार्षिक साधारणसभा लिसारा रिसेप्सन नक्साल, काठमाडौंमा बिहान ११ बजे सुरु भएको छ ।

कम्पनीले लाभांश प्रस्ताव बिना नै साधारणसभा बोलाएको हो । सभामा १०० प्रतिशत हकप्रद शेयर जारी गर्ने प्रस्ताव पेश गर्नेछ । सभामा आर्थिक वर्ष २०७८–०७९ र २०७९–८० को नाफा नोक्सानसम्बन्धी हिसाबका सम्बन्धमा छलफल हुनेछ । आर्थिक वर्ष २०८०–८१ का लागि लेखापरीक्षक नियुक्ति र पारिश्रमिक निर्धारण गर्ने एजेन्डा पनि रहनेछ । 

साधारण सभाले सर्वसाधारण लगानीकर्ताको तर्फबाट २ जना स्वतन्त्र सञ्चालक नियुक्ति गर्नेछ । यता, सभा प्रयोजनका लागि कम्पनीले वैशाख १० गते बुक क्लोज गरिसकेको छ । वैशाख ९ गतेसम्म सेयर खरिद गरी कायम रहेका शेयरधनीहरुले मात्र सभामा भाग लिन सक्नेछन् ।