रुखको हाँगा काटेर बाख्राहरुलाई खुवाएपछि पाँच हजार जरिवाना

नेपाल फोटो लाइब्रेरी

२८ वैशाख, ललितपुर । ललितपुर महानगरपालिकाले भैसिपाटिको एक मासु पसलले सडक छेउमा रोपेको रुखको हाँगा काटे बापत पाँच हजार जरिवाना तिराएको छ ।

महानगर प्रहरी गस्ती हिँडिरहेको अवस्थामा रुखको हाँगा काटेर बाख्राहरूलाई खुवाएको देखेपछि जरिवाना तिराएको महानगर प्रहरी प्रमुख सिताराम हाछेथुले बताए ।

रुखको हाँगा काटेर जरिवाना तिराएको सायद नेपालमै पहिलो होला , उनले भने 'ललितपुर महानगरले वातावरण संरक्षणमा कामगरिरहेकोमा यस्तो अभ्यासले भोलि अरु ठाउमा पनि काट्न नदिन सचेत मात्र गराएका हौ' । महानगरले भर्खरै मात्र १५ सदस्य वातावरण नगर प्रहरी बल गठन गरेर महानगरको वातावरण संरक्षणमा काम गरिरहेको छ ।