कांग्रेसको नाराबाजीपछि १५ मिनेटका संसद बैठक स्थगित

२८ वैशाख, काठमाडौं । प्रमुख प्रतिपक्षी नेपाली कांग्रेसका सांसदहरूले प्रतिनिधि सभा बैठकमा नाराबाजी गरेका छन् । प्रतिनिधि सभाको आजको बैठकमा सभामुख देवराज घिमिरेले कांग्रेस सांसद गगन थापालाई सुरुमा बोल्न समय दिएका थिए ।

थापाले सरकारले संसदीय छानबिन समिति नबनाएसम्म संसदका कुनै पनि कारवाही चल्न नदिने बताए । थापाले बोले लगत्तै आ–आफ्नो स्थानमा उभिएका कांग्रेस सांसदहरूले संसदीय समिति छानबिन समिति गठन गर, सहकारी पीडितहरूलाई न्याय दे भनेर नाराबाजी गरेका थिए । त्यसपछि सभामुखले १५ मिनेट बैठक स्थगित गरेका हुन् ।