ढकमक्क फुलेको बेगनबेली फूलले बसन्तमय तिलोत्तमा

मनिष अर्याल / नेपाल फोटो लाइब्रेरी

२९ वैशाख, काठमाडाैं । बुटवलकाे तिलोत्तमा नगरपालिका नेपालकै एक नमुना नगरपालिका हो । याे देशकै उत्कृष्ट नगरपालिकाहरूमा छनोट पनि भएको  नगरपालिका हो । तिलोत्तमा नगरपालिकाको भू-भागमा पर्ने बुटवल–भैरहवा छ लेन सडक नेपालकै नमुना सडकका रूपमा परिचित छ।

हरियाली प्रवर्द्धनका कार्यक्रमले छ लेन सडक थप आकर्षक बढेको छ । सडकको दायाँ बायाँ एकनासका मझौला रुखको हरियालीबीच डिभाइडरमा ढकमक्क फुलेको बेगनबेली फूलको सौन्दर्य ।

बुटवलको योगीकुटी पार गरेपछि तिलोत्तमा नगरपालिकामा प्रवेश गरेसङगै सडकको दायाँ र बायाँ दुवैतर्फ ६ मिटरको दूरीमा स्टोनिया जातका बिरुवाको हरियाली छाएको छ भने मुख्य डिभाइडरमा तिलोत्तमा नगरपालिकाले नगरको फूल घोषणा गरेको बेगनबेली राताम्य फुलेको छ ।

सिदार्थ राजमार्ग अन्तर्गतको तिलोत्तमा सडक खण्डको १३ किलोमिटर सडकमा २५ सय बढी प्रजातिका विभिन्न फूलका विरुवाहरू लगाइएको छ ।

​​​​​​​