कांग्रेस संसदीय दलको बैठक बस्दै, सदनमा प्रस्तुत हुन रणनीति बनाइने

४ जेठ, काठमाडौं । नेपाली कांग्रेसको संसदीय कार्यसमिति र संसदीय दलको बैठक आज बस्दैछ ।  

कांग्रेसले बिहान ८ः ३० बजे संसदीय दल कार्यसमितिको र बिहान ९ बजे संसदीय दलको बैठक बोलाएको हो । बैठक नयाँ बानेश्वर स्थित संघीय संसद भवनमा बस्ने जानकारी दिएको छ ।

प्रतिनिधि सभाको बैठक बस्नु अघि रणनीति तय गर्न कांग्रेसले संसदीय दलको बैठक बोलाएको हो ।  कांग्रेसको अवरोधपछि बिहीवार स्थगित भएको प्रतिनिधि सभाको बैठक आज बिहान ११ बजे बस्दै छ ।