मकवानपुरको ठिंगनमा कार दुर्घटना हुँदा २ जनाको मृत्यु

५ जेठ, हेटौंडा । मकवानपुरको बकैया गाउँपालिका–१२ ठिंगनस्थित कान्ति लोकमार्गमा कार दुर्घटना हुँदा दुई जनाको मृत्यु भएको छ । ललितपुरबाट हेटौंडातर्फ आउँदै गरेको ग ३ च ९४७५ नम्बरको कार सडकबाट करिब ५०० मिटर तल खसेर दुर्घटना भएको हो ।

दुर्घटनमा घाइते तीनजना मध्ये बारा रौतहट मौलापुर नगरपलिकका ६ बस्ने १७ वर्षका विवेक शाह, भिमफेदी गाउँपालिका वडा नम्बर ८ बस्ने वर्ष ६५ वर्षका प्रेम बहादुर ब्लोनको मृत्यु भएको मकवानपुरका प्रहरी नायव उपरीक्षक लक्ष्मी भण्डारीले जानकारी दिए ।

दुर्घटनामा घाइते भएका कार चालक निजगढ नगरपालिका वडा नम्बर ६ बस्ने ३० वर्षको सन्दिप शाहको हेटौंडाको सहकारी अस्पतालमा उपचार भैरहेको प्रहरीको भनाइ छ । उनीहरुको टाउको र शरीरका विभिन्न ठाउँमा चोट लागेको थियो । कारका चालक बाराको निजगढ नगरपालिका–६ का ३० वर्षका सन्दीप शाहको मकवानपुर सहकारी अस्पतालमा उपचार भइरहेको छ ।