टी-२० विश्वकपमा आज दुई खेल हुँदै

२१ जेठ, काठमाडौं । आइसीसी टी–२० विश्वकपमा आज दुई खेल हुँदै छ । आज पहिलो खेलमा नामिबिया र ओमानले खेल्दै छन् । बार्बाडोसस्थित केनसिंगटोन ओभल स्टेडियममा यो खेल नेपाली समय अनुसार बिहान ६:१५ बजेदेखि शुरु भएको छ । 

दुवै बीच अहिलेसम्म ६ टी–२० खेल भएका छन् । जसमा नाम्बियाले ६ खेल जितेको छ भने ओमानले २ खेलमा जित हासिल गरेको छ । त्यस्तै आज दोस्रो खेल श्रीलंका र दक्षिण अफ्रिकाबीच खेल हुँदै छ । न्युयोर्कस्थित नास्साउ काउन्टी इन्टरनेसनल क्रिकेट स्टेडियममा हुने यो खेल राति ८ : १५ बजेदेखि शुरु हुने छ । श्रीलंका र दक्षिण अफ्रिकाबीच अहिलेसम्म १७ टी-२० खेल भएका छन् । जसमा दक्षिण अफ्रिकाले अहिलेसम्म १२ खेल जितेको छ भने श्रीलंकाले ५ खेलमा जित हासिल गरेको छ ।