बजेटमाथिको छलफल छाडेर हिँडे सांसद, सदन खाली

२१ जेठ, काठमाडौं । आर्थिक वर्ष २०८१/०८२ को बजेट माथि छलफल चली रहँदा सदनबाट सांसदहरू गायप भएका छन् । सरकार पक्ष र प्रतिपक्ष दुवैका सांसदहरू सदन छाडेर क्यान्टिन तथा आफ्नै काममा निस्केको देखिन्छ । बजेटमाथिको छलफल सांसदहरुको सक्रिय सहभागिता देखिएको छैन । २ सय ७५ जना मध्ये एक तिहाई सांसद पनि बैठकमा छैनन् ।     

यसबाट विनियोजित विधेयकमाथि सांसदहरुको जिज्ञासा, सुझाव, छलफल र चासो कम देखिएको छ । जति कुरा उठाएपनि अर्थमन्त्रीले पेस गरेको बजेट वक्तव्यका प्रावधानहरु परिवर्तन नहुने परिपाटीका कारण पनि सांसदहरुले औपचारिकता मात्र पूरा गर्दै आएका छन् ।