सुनको मूल्यमा रेकर्ड, प्रतितोला १ लाख ४२ हजार ७ सयमा कारोबार

२२ जेठ, काठमाडौं । मंगलबार सुनको मूल्य तोलामा १७ सयले बढेको छ । आज नेपाली बजारमा सुनको मूल्य हालसम्मकै उच्च कायम भएको हो । आज छापावाल सुन प्रतितोला एक लाख ४२ हजार ७०० रुपैयाँमा कारोबार भएको छ । 

नेपाली बजारमा यो हालसम्मकै उच्च मूल्य भएको नेपाल सुनचाँदी व्यवसायी महासंघले जनाएको छ । यही जेठ १८ गते छापावाल सुन प्रतितोला एक लाख ४२ हजार २०० रुपैयाँमा कारोबार भएको थियो । त्यो रेकर्डलाई आज ब्रेक भएको हो । सोमबारको तुलनामा मंगलबार छापावाल सुन प्रतितोला एक हजार ७०० रुपैयाँले बढेको छ । 

सोमबार छापावाल सुन प्रतितोला एक लाख ४१ हजार रुपैयाँमा कारोबार भएको थियो । मंगलबार तेजाबी सुन प्रतितोला एक लाख ४२ हजारमा कारोबार भइरहेको छ । मंगलबार चाँदी प्रतितोला एक हजार ८६० रुपैयाँमा कारोबार भइरहेको छ । एकैदिन २५ रुपैयाँले बढेर चाँदी मंगलबार कारोबार भइरहेको छ ।