जिल्ला प्रहरी कार्यालय सिरहामा महिला प्रहरी झुण्डिएको अवस्थामा मृत फेला

३१ जेठ, जनकपुरधाम । जिल्ला प्रहरी कार्यालय सिरहामा एक महिला प्रहरी मृत भेटिएकी छन् । प्रहरी जवान करिश्मा सुनार कार्यालयको शौचालयमा झुण्डिएको अवस्थामा मृत भेटिएको सिरहाका प्रहरी प्रमुख एसपी रमेश पण्डितले बताए । मृतक सुनार महिला तथा बालबालिका सेलमा कार्यरत थिइन् । 

मृतक सुनारको शव घटनास्थलमै रहेको र यसबारे परिवारलाई खबर गरिसकेको एसपी पण्डितले बताए । उनका अनुसार परिवारका मान्छे आएपछि मात्रै शव पोष्टमार्टमका लागि लगिने छ । उनको मृत्युको कारण खुल्न नसकेको प्रहरीले बताएको छ । घटनाबारे अनुसन्धान जारी रहेको बताइएको छ ।