मुख्यमन्त्री पाण्डेलाई विश्वासको मत दिने सांसद देवकोटामाथि कारवाही, पदमुक्त गर्न पत्र

३२ जेठ, पोखरा । नेकपा माओवादी केन्द्रले गण्डकी प्रदेशका सांसद फणिन्द्र देवकोटालाई कारबाही गरेको छ । मुख्यमन्त्री सुरेन्द्रराज पाण्डेलाई गत जेठ २८ गते फ्लोर क्रस गरेर विश्वासको मत दिएको भन्दै सांसद देवकोटामाथि शुक्रबार कारबाही गरेको हो ।

कारबाही गरिएको जानकारी उनलाई पदमुक्त गर्न प्रदेश सभा सचिवालयलाई पत्र पठाइसकेको छ ।  माओवादी संसदीय दलका नेता हरिबहादुर चुमानले देवकोटालाई कारबाही गरेको पत्र संसद सचिवालयमा पठाएको जानकारी गराएका छन् ।

प्रदेश सभाको शुक्रबार बस्ने दोस्रो बैठकमा सभामुखले कारबाही गरेको जानकारी दिने तयारी छ । त्यसो भएमा सांसद देवकोटा पदमुक्त हुनेछन् ।

नेपाल समाजवादी पार्टी (नेसपा)का देवकोटाले गोरखा २ (क) मा माओवादीको चुनाव चिह्नबाट निर्वाचन लडेका थिए । माओवादी संसदीय दलको ह्विप उल्लंघन गर्दै २८ असारमा मुख्यमन्त्री सुरेन्द्रराज पाण्डेलाई विश्वासको मत दिएका देवकोटा ऊर्जामन्त्री समेत भएका छन् ।