आज अन्तर्राष्ट्रिय योग दिवसको अवसरमा काठमाडौं उपत्यकामा योगाभ्यास

७ असार, काठमाडौं । ‘आफू र समाजका लागि योग’ भन्ने नाराका साथ दशौं अन्तर्राष्ट्रिय योग दिवस नेपालमा पनि आज विभिन्न कार्यक्रमको आयोजना गरी मनाइँदै छ । अन्तर्राष्ट्रिय योग दिवस हरेक वर्ष जुन २१ तारिखका दिन विभिन्न जनचेतनामूलक कार्यक्रम आयोजना गरी मनाइन्छ ।

संयुक्त राष्ट्र संघको महासभाले सन् २०१४ मा गरेको निर्णयअनुसार सन् २०१५ जुन २१ देखि अन्तर्राष्ट्रिय योग दिवस मनाउन थालिएको हो ।  

यहि अवसरमा काठमाडौँ उपत्यकाका धेरै ठाउँमा योग दिवस मनाइँदै छ आज बिहानैदेखि रंगशाला र नक्साल चौरमा  पनि  योगाभ्यासहरू गरिएको छ । नेपालमा यसपाली ‘महिला सशक्तीकरणका लागि योग’ भन्ने मूल नारा का साथ योग दिवस मनाइँदै छ ।