बर्दियामा हावा हुरीले एफएमको टावर ढल्यो, दर्जनौं घरको छाना उडायो

 ७ असार बर्दिया । बर्दियामा लामो समय पछि आएको पानिले केहि राहत दिएपनि पानी संगै आएको हावाहुरीले भने क्षति पुर्याएको छ । हावा हुरीका कारण मानवीय क्षति नभए पनि केहि मानिस सामान्य घाइते भएको जिल्ला प्रहरी कार्यालय बर्दियाले जनाएको छ ।

हावा हुरीका कारण बर्दिया गुलरिया नगरपालिका वार्ड न ४ तुलापुरमा रहेको फूलवारी एफएमको टावर ढलेका कारण पूर्ण रुपमा क्षति भएको छ । हावा हुरीका कारण गुलरिया नगरपालिका ७ चौगुर्जि गाउँका ७२ वर्षिय पलिराम गोडिया अनुहार र पेटमा सामान्य चोट लागेको छ । 

सोहि स्थानका ७१ वर्षिय जावरा धोवीको बरण्डाको पर्खाल भत्किँदा बायाँ खुटटामा चोट लागेको छ । सोहि स्थानका ५५ वर्षिय आशकल धोवीको बाया हातमा चोट लागेको छ । गुलरिया नगरपालिका ७ चौगुर्जि गाँउका ७० वर्षिय कल्लु गोडिया घर तर्फ जादै गर्दा फलामको रडले पेट , बाँया आखामा चोट लागेको प्रहरीले जनाएको छ । यसै गरी सोहि स्थानका २३ वर्षिय माधुरी लोधको आफनै घरको टायल खस्दा बाया खुटटामा चोट लागेको छ । सोहि स्थानका सलिम अन्सारीको ७ वटा जस्तापाता हावाहुरीले उडाई क्षति पुर्याएको छ । 

यसै गरी रानी भुजुवाको घरको १० वटा जस्तापाता उडाएको प्रहरीले जनाएको छ । शिव कुमार राठौरको गोठको ५ वटा जस्तापाता उडाएका छ । युनु अहमदको घरको १२ वटा जस्तापाता उडाएको सोहि स्थानका नसिंह शाहको भान्सा घरको जस्तापाता उडाएको छ । गुलरिया ७ कै ३४ वर्षिय चुन्नु नाउको घरको सवै जस्तापाता उडाएपछि खुला आकास मुनि वसीरहेका छन ।

यसै गरी बढैयाताल गाँउपालिका ७ निवासी गोकुल प्रसाद यादवको गोठको जस्ता पाता उडाएको छ । हावाहुरीका कारण विद्युतका पोल समेत ढलेपछि बिहीवार बेलुकी ५ वजे पछि मात्रै विद्युत सेवा सुचारु भएको छ । प्रहरीका अनुसार क्षतिको विवरण आउन बाँकी रहेको छ ।