दुग्ध किसानका साथमा किसान महासंघ

७ असार, झापा । नेपाली किसानहरूले लामो समयदेखि ब्यहोर्दै आइरहेको दूधको भुक्तानीका विषयलाई लिएर नेपाल किसान महासंघले बिगत लामो समयदेखि आन्दोलन, धर्ना र जुलुसका माध्यमबाट नेपाल सरकारलाई दवाव दिँदै आइरहेको छ । किसान र मजदुरको मत लिएर सत्तामा उक्लिएकाहरुबाटै निरन्तर किसान, मजदुरहरू पिडित बन्दै जानुपरेको तीतो यथार्थतालाई मध्यनजर गर्दै नेपालको एनमात्र किसान संगठन नेपाल किसान महासंघ देशै भरिका किसानका समग्र समस्याहरूलाई समेत अत्यन्तै गम्भिरताका साथ उठाई रहेको देखिन्छ ।

संघर्षकै माध्यमद्वारा विगतमा नेपाली किसानहरुको दूधको बक्यौता रकम भुक्तानी गर्न सरकारलाई निर्णय गराउन बाध्य पारेको नेपाल किसान महासंघले अहिलेसम्म पनि सरकारले सम्झौता बमोजिमको किसानहरुको दूधको बक्यौता रकम वास्तविक पीडित किसानहरूका हातमा नपरेपछि पुनः आन्दोलनमा होमिनु परेको नेपाल किसान महासंघका केन्द्रीय अध्यक्ष गणेशचन्द्र तिमिल्सिनाले बताएका छन् । 

यसैको निरन्तरताको क्रममा नेपाल किसान महासंघले भर्खरै मात्रै देशका ७७ वटै जिल्लाहरूमा महासंघका जिल्ला समितिहरुलाई जिल्ला प्रशासन कार्यालय मार्फत र ७ वटै प्रदेश समितिहरुले प्रदेशका मुख्यमन्त्री मार्फत अनि केन्द्रमा नेपाल किसान महासंघको केन्द्रीय समितिले सिधै कृषि तथा पशुपक्षी बिकास मन्त्री मार्फत प्रधानमन्त्रीलाई ज्ञापनपत्र बुझाएको नेपाल किसान महासंघका केन्द्रीय प्रबक्ता आरबि रावलले बताएका छन् ।

नेपाल किसान महासंघमा गणेशचन्द्र तिमिल्सिनाको अध्यक्षतामा नयाँ कार्यसमिति मार्फत नेतृत्वमा आएपछि देशैभरी नेपाली किसानहरुका समस्याहरु निरन्तर रुपमा उठान भैरहेको देखिन्छ । केन्द्रदेखि प्रदेश र जिल्लतहसम्मका समितिहरुले सकृयताका साथ किसानहरुका सवाल उठान गर्न थालेपछि अहिले भने नेपाली किसानहरुले राजनीतिक रुपमा आप्mनो अभिभावक पाएको महशुष गर्न थालेको जिल्ला तहका किसान नेताहरु बताउँछन् । 

विगतमा लम्पी स्किन रोगबाट पिडित बनेका किसानहरू, लामो समयसम्म भुक्तानी नपाएर आन्दोलित बनिरहेका उखु किसानहरूलाई बक्यौता रकम सहित किसान अधिकार दिलाउँदै आइरहेको नेपाल किसान महासंघले यसपटक दुग्ध किसानले आफुले पशुपालन गरि अत्यन्तै दुःख गरेर बिक्री गरेको दुधको महिनौसम्म पनि भुक्तानी नपाएपछि पुनः दुग्ध किसानहरुको बक्यौता रकम भुक्तानी गराउन महासंघ सडक आन्दोलमा निस्कनु परेको नेपाल किसान महासंघका केन्द्रीय अध्यक्ष गणेशचन्द्र तिमिल्सिनाले बताएका छन् ।