ठेक्का लिएर काम नगर्ने १९ निर्माण कम्पनी तथा आपूर्तिकर्ता कालोसूचीमा, कुन-कुन परे ?

११ असार, काठमाडौं । सार्वजनिक खरिद अनुगमन कार्यालयले १९ वटा निर्माण व्यवसायी तथा आपूर्तिकर्तालाई कालोसूचीमा राखेको छ । कार्यालयले आज एक सूचना जारी गर्दै सार्वजनिक खरिद ऐन, २०६३ को दफा ६३ को उपदफा (१) बमोजिम १९ वटा निर्माण व्यवसायी तथा आपूर्तिकर्तालाई एक वर्षदेखि २ वर्ष सम्मका लागि कालोसूचीमा राखेको हो ।

साथै कालोसूचीमा राखिएको अवधिभर सार्वजनिक निकायको कुनै पनि खरिद कारबाहीमा भाग लिन नसक्ने सार्वजनिक खरिद अनुगमन कार्यालयले जनाएको छ । कार्यालयले ठेक्का लिएर अलपत्र पार्ने, काम नगर्ने ठेकेदार कम्पनीलाई प्राथमिकतामा राखेर कालोसूचीमा राख्ने गरेको जनाएको छ ।