श्रीलङ्कामा सडक दुर्घटना हुँदा १५ जना घाइते

१७ असार, कोलम्बो । कोलम्बो क्यान्डी सडकको वेवेल्डेनियामा सोमबार बिहान यात्रु बोकेका दुई बस एकआपसमा ठोकिँदा कम्तीमा १५ जना घाइते भएका छन् ।

उनीहरूलाई तत्काल उद्धार गरी उपचारार्थ क्षेत्रीय अस्पतालमा भर्ना गरिएको प्रहरीले जनाएको छ ।  कोलम्बो–क्यान्डी सडक श्रीलङ्काको सबैभन्दा व्यस्त सडकमध्ये एक हो र वेवेल्डेनिया कोलम्बोबाट लगभग ६० किलोमिटर टाढा छ ।

श्रीलङ्कामा कमजोर सडक संरचना, पुराना सवारी साधन, र सडकमा सवारी साधन, ट्राफिक नियम पालनाको नियमित अनुगमनको कमीका कारण श्रीलङ्कामा सडक दुर्घटनामा वर्षेनी सयौं व्यक्तिले अकालमा ज्यान गुमाउनु पर्छ । यहाँ सन् २०२३ मा दुई हजार २०० सवारी दुर्घटनामा दुई हजार ५५७ जनाको मृत्यु भएको थियो ।