अर्थ मन्त्रालयका कारण मधेशका मुख्यमन्त्री सिंह संकटमा, सरकार ढल्न सक्ने
नेपालबहस संवाददाता
असार २४, २०८१ सोमबार १६:३१:३८
२४ असार, धनुषा । पार्टीले अर्थ मन्त्रालय कांग्रेसलाई नदिनु भनेपछि मधेश प्रदेशका मुख्यमन्त्री सतिशकुमार सिंह संकटमा परेका छन् । उनले अर्थमन्त्रालयसहित चार मन्त्रालय दिने भनेर कांग्रेससँग सहमति गरेका थिए । सोही अनुसार कांग्रेसले चार जनाको नाम पठाउने निर्णय गरेको थियो । तर, विश्वासको मत पाएपछि उनले अर्थमन्त्रालय कांग्रेसलाई नदिने बताए ।
मन्त्रालय बाँडफाँडमा सहमति भएकाले सरकार विस्तार मात्र रोकिएको छैन, कांग्रेस नेतृत्वमा नयाँ सरकारको पहल हुने सम्भावना पनि बढाएको छ । तीन दलले सिंह पहिलाकै सहमतिमा नआए यो सरकारलाई दिएको समर्थन फिर्ता लिएर नयाँ ढंगले अघि बढ्ने सहमति गरेका छन् । सहमतिअनुसार मन्त्रालय नपाउँदा मन्त्रीहरूको नाम टुंगो लगाए पनि कांग्रेस सरकारमा सहभागी भएको छैन ।
लोसपाले दुई मन्त्रालय पाउनुपर्ने अडान कायम राखेको छ । जनमत, कांग्रेस, एमाले र लोसपासहितको सरकार विस्तार गर्ने सहमति शुक्रबार भएपछि शनिबार मुख्यमन्त्री सतीशकुमार सिंहले प्रदेशसभामा विश्वासको मत लिएका थिए । विश्वासको मत पाएपछि मन्त्रीलाई शपथ गराउने तयारी थियो । तर, दलहरूले आफ्नो अडान नछोड्दा सरकार विस्तार अन्योलमा परेको हो ।
कांग्रेसले चार मन्त्रालय र लोसपाले दुई मन्त्रालयमा अडान राखेपछि मुख्यमन्त्री सिंहले निर्णय गर्न सकिरहेका छैनन् । मुख्यमन्त्री सिंहले अर्थ मन्त्रालय आफूसँगै राख्न खोजेका छन् । पार्टीले उनलाई यो मन्त्रालय नछाड्न भनेको छ । मधेशमा जनमत नेतृत्वको सरकारलाई विश्वासको मत दिएपछि अविश्वासको अवस्था आएको कांग्रेस मधेश प्रदेश संसदीय दलका नेता कृष्णप्रसाद यादवले बताए ।
उनले भने, ‘विश्वासको मत लिनुअघि कांग्रेसलाई अर्थसहित ४ मन्त्रालय दिने सहमति भएको थियो । मुख्यमन्त्री सतीशकुमार सिंहलाई विश्वासको मत दिइसके पछि कांग्रेसलाई अर्थबाहेक तीन मन्त्रालय मात्रै दिनसक्ने भनेपछि अविश्वास सुरु भएको छ । अर्थ मन्त्रालय नपाउँदा कांग्रेसले सरकारमा मन्त्रीहरू पठाउने छैन ।’ मुख्यमन्त्री सिंहले विश्वासको मत लिनुअघि गरेको सहमति कार्यान्वयन नगरेपछि सोमबार कांग्रेस पार्टी कार्यालयमा कांग्रेस, एमाले र लोसपा तीन दलको बैठक बसेको छ ।
बैठकमा सहमतिअनुसार मन्त्रालय नदिए कांग्रेसको नेतृत्वमा अर्कै सरकार गठन गर्ने प्रक्रिया अगाडि बढाउने सहमति भएको कांग्रेस प्रदेश सांसद वीरेन्द्र सिंहले बताए । जनमतबाहेक एमाले २५, कांग्रेस २२ र लोसपा ८ गरी ५५ जना सांसद सरकार बनाउन पर्याप्त छ, उनले भने । संघीय गठबन्धनको सहमतिअनुसार नै हामी अगाडि बढ्छौँ । जनमतले सहमति कार्यान्वयन नगरे कांग्रेसको नेतृत्वमा गठबन्धनकै सरकार बनाउने प्रक्रिया अगाडि बढाउने तीन दलबीच सहमति भएको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपबाढीपीडित किसानको गुनासो- स्याहार्ने बेलाको धान बाढीले लग्यो, अब के गर्ने थाहा छैन
असोज १९, २०८१ शनिबार
सिमलताल बस दुर्घटनाका मृतकका परिवारलाई मधेस सरकारले दियो जनही एक लाख
असोज १८, २०८१ शुक्रबार
मधेस प्रदेश सरकारले बाढीपहिरो पीडितलाई एक लाख दिने
असोज १६, २०८१ बुधबार
प्रहरीमा चार हजार दरबन्दी रिक्त, कासमु देखाएर वृत्ति विकासमा बन्ध्याकरण !
नेपालबहस संवाददाता
असोज १८, २०८१ शुक्रबार
कर्णालीले जित्यो एभरेस्ट महिला भलिबल लिगको उपाधि
नेपालबहस संवाददाता
असोज १९, २०८१ शनिबार
दाउन्ने सडकखण्डमा ठूला मालवाहक सवारीसाधन सञ्चालनमा रोक
नेपालबहस संवाददाता
असोज १९, २०८१ शनिबार
कर्णालीले जित्यो एभरेस्ट महिला भलिबल लिगको उपाधि
असोज १९, २०८१ शनिबार
दाउन्ने सडकखण्डमा ठूला मालवाहक सवारीसाधन सञ्चालनमा रोक
असोज १९, २०८१ शनिबार
गौशाला धर्मशालाको व्यबस्थापन पशुपति विकास कोषले गर्ने
असोज २०, २०८१ आइतबार
अवैध लागूऔषधसहित विभिन्न स्थानबाट ११ जना पक्राउ
असोज २०, २०८१ आइतबार
राष्ट्रपतिबाट नवनियुक्त प्रधानन्यायाधीश राउतले लिए शपथ
असोज २०, २०८१ आइतबार
इप्पानद्वारा विद्युत् बिक्री सम्झौताको स्वागत
असोज २०, २०८१ आइतबार
नक्कली नोट सहित दुई जना पक्राउ
असोज २०, २०८१ आइतबार