उपेन्द्रले २१५ जनालाई बनाए जसपाको केन्द्रीय सदस्य

२७ असार, काठमाडौं । जनता समाजवादी पार्टी (जसपा) नेपालका अध्यक्ष उपेन्द्र यादवले २१५ सदस्यीय केन्द्रीय समिति बनाएका छन् । महाधिवेशनबाट पार्टीका पदाधिकारी र केन्द्रीय सदस्य टुंगो लगाउने जिम्मेवारी पाएका यादवले बिहीबार केन्द्रीय समिति घोषणा गरेका हुन् । 

जसपाका प्रचार विभाग प्रमुख पूर्ण बस्नेतले दिएको जानकारी अनुसार अध्यक्ष यादवले ९ सदस्यीय कार्यकारिणी समिति समेत बनाएका छन् । पार्टीको विधानमा १५१ सदस्यीय समितिको व्यवस्था भएपनि यादवले २१५ सदस्यीय केन्द्रीय समिति घोषणा गरेका हुन् । यादवले जनता समाजवादी पार्टी, नेपालको एकताको राष्ट्रिय महाधिवेशन २०८१ साल जेष्ठ २८, २९ र ३० गते जनकपुरधाममा सम्पन्न भएको म्यान्डेट अनुसार समिति उद्घोषण भएको जनाएका छन् । 

जसपा नेपालको विधान २०८० को (संशोधित) धारा १४१ (१) मा व्यवस्था भए बमोजिम राष्ट्रिय महाधिवेशनद्वारा महाधिवेशनबाट निर्वाचित केन्द्रीय समितिको अध्यक्षलाई केन्द्रीय समिति / पदाधिकारी / कार्यकारिणी / सदस्य तथा केन्द्रीय निकायका पदाधिकारी र सदस्यहरू समेतको मनोनयन गरी घोषणा गर्ने अधिकार प्रत्यायोजन  गर्ने निर्णय गरिएको हुँदा सोही अधिकार र पार्टीको विधान २०८० को धारा ८७ (१) मा भएको व्यवस्था अनुसार समेत निर्णय गरी जनता समाजवादी पार्टी, नेपालको निम्न बमोजिम केन्द्रीय समिति गठन गरिएको उनले बताएका छ् । 
को को परे केन्द्रीय सदस्यमा ?