करेन्ट लागेर बर्दियामा एक जनाको मृत्यु

२७ असार बर्दिया । बर्दियामा करेन्ट लागेर एक जनाको मृत्यु भएको छ । जिल्लाको बारबर्दिया नगरपालिका ९ कतर्निया निवासी  ५० वर्षीय गोपाल थारूको करेन्ट लागेर बुधबार दिउँसो मृत्यु भएको प्रहरीले जनाएको छ ।

सोही नगरपालिका ११ लम्कीफाटा बस्ने भुपेन्द्र राना भाटको घरमा मिटर वक्सजडान गर्ने क्रममा बिजुलीको पोलमा चढेको अवस्थामा करेन्ट लागेर गम्भीर घाइते भएका उनको नगर अस्पताल जयनगरमा उपचारको क्रममा मृत्यु भएको हो ।