बढीपहिराेले देशका विभिन्न भागमा क्षति, राजमार्ग अवरुद्ध
![नेपालबहस संवाददाता](
https://nepalbahas.prixacdn.net/media/albums/NB_T3X4AROp05.jpeg
)
नेपालबहस संवाददाता
असार २७, २०८१ बिहिबार १३:६:२८
![](https://nepalbahas.prixacdn.net/media/albums/Mauwakhola.png_LxzflMalIB_fT7x0LEH9M.png)
२७ असार, काठमाडौं । निरन्तरको वर्षाका कारण देशका विभिन्न भागमा बढीपहिराले भौतिक संरचनामा क्षति भएको छ भने सडक अवरुद्ध हुँदा यातायातका साधन बाटोमा नै रोकिएका छन् । समाचारदाताहरूका अनुसार लमजुङ, दाङ, चितवन, बाग्लुङ, पर्वत, उदयपुरका विभिन्न सडक अवरुद्ध भएका छन् ।
पहिरो खसेर नारायणगढ–मुग्लिन सडक अवरुद्ध
पहिरो खसेर नारायणगढ–मुग्लिन सडक अवरुद्ध भएको छ । भरतपुर महानगरपालिका–२९ स्थित झोलुङ्गु पुल र सिमलतालमा पहिरो खसेको जिल्ला प्रहरी कार्यालय चितवनले जनाएको छ । सडक डिभिजनसँगको समन्वयमा पहिरो पन्छाएर सवारीसाधन सञ्चालनको प्रयास जारी छ ।
पृथ्वीराजमार्ग एकतर्फी सञ्चालन
पृथ्वी राजमार्गअन्तर्गत इच्छाकामना गाउँपालिका–३ मौवाखोला नजिक खसेको पहिरो पन्छाएर सडक एकतर्फी खुलाइएको छ । इलाका प्रहरी कार्यालय मुग्लिनका प्रहरी निरीक्षक निरला भण्डारीका अनुसार वर्षा नरोकिएकाले ठाउँठाउँमा पहिरो खसिरहेको छ । सडक दुईतर्फी खुलाउन अझै केही समय लाग्ने छ । यसैबीच, स्थानीय प्रशासनले अत्यावश्यक काम बाहेक यो सडकबाट यात्रा अनुरोध गरेको छ ।
मालढुङ्गा–बेनी सडक अवरुद्ध
म्याग्दी र मुस्ताङलाई राष्ट्रिय राजमार्गसँग जोड्ने कालीगण्डकी कोरिडोरअन्तर्गत पर्वतको मालढुङ्गा–बेनी सडक अवरुद्ध भएको छ । गएरातिको भारी वर्षाका कारण तीन ठाउँमा खसेको पहिरोले सडक अवरुद्ध बनेको हो । मालढुङ्गादेखि बेनी सम्मको १३ किलोमिटर लामो बाटोको कुश्मा नगरपालिका– १ मालढुङ्गा नजिकै भिरवाट ढिस्को सहितको पहरो खसको छ । त्यसैगरी जलजला गाउँपलिका–८ स्थित फनफनेमा पनि सडक अवरुद्ध भएको हो ।
पर्वतमा पहिराले छ घर पुरिए
पर्वतको मोदी गाउँपालिकामा छ वटा घर पुरिएका छन् । मोदी गाउँपालिका– २ देउपुरको जरुवाका ६ घर पुरिएका छन्भने जोखिममा रहेका अन्य ९ परिवार गरी १५ परिवार पूर्ण विस्थापित भएका जिल्ला प्रहरी कार्यालय पर्वतले जनाएको छ । बुधवार दिउँसोदेखि नै पहिरो खसेको हो । कुश्मा नगरपालिका– ११ पकुवाको छापामा पनि एउटा घर पुरिएको प्रहरीले जनाएको छ ।
गाईघाट– दिक्तेल सडक अवरुद्ध
उदयपुर जिल्लाको त्रियुगा नगरपालिका– १४ को रातमाटे डाँडामा पहिरो खस्दा गाईघाट दिक्तेल सडक अवरुद्ध भएको छ । बुधबार अपरान्हदेखि उक्त सडक अवरुद्ध भएको हो । एम्बुलेन्सलागयत अत्यावश्यक सवारीका साधन सञ्चालन गराउने प्रयास जारी छ । जिल्ला प्रशासन कार्यालय,त्रियुगा नगरपालिका र गाईघाट –दिक्तेल सडक कार्यलयले एकीकृत प्रयास गरिरहेका छन्
मध्यपहाडी राजमार्ग बन्द
पहिरोका कारण मध्यपहाडी पुष्पलाल राजमार्गको बागलुङ खण्ड अवरुद्ध भएको छ । बागलुङको काठेखोला गाउँपालिका–६ बयलडाँडास्थित सडकमा पहिरो खस्दा मध्यपहाडी पुष्पलाल राजमार्ग बन्द भएको जिल्ला प्रहरी कार्यलय बागलुङका प्रहरी प्रहरी उपरीक्षक ऋषिराम कँडेलले जानकारी दिए ।
बेँसीसहर–चामे सडक पनि खुलेन
लमजुङ र मनाङ जोड्ने बेँसीसहर–चामे सडक दश दिनदेखि बन्द छ । बाढीले मनाङको चामे गाउँपालिका–१ तिमाङखोलाको पक्की पुल बगाएपछि उक्त सडकमा सवारीसाधन सञ्चालन भएका छैनन् ।
वि.संं २०७८ असार महिनामा आएको बाढीले बेलिब्रिज बगाएपछि तिमाङखोलामा काठेपुल राखेर सवारी सञ्चालन हुँदै आएको थियो । दुईवर्षअघि त्यहाँ मोटरेवल पक्की पुल निर्माण गरिएको थियो ।
पथान्तरणमा क्षति
बाढीका कारण घोराही–तुलसीपुर र घोराही सडक पनि अवरुद्ध भएको छ । पुल निर्माण जारी रहेको घोराही–तुलसीपुर खण्डमा गरिएको पथान्तरण बाढीमा बगेपछि उक्त सडक बन्द भएको हो ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपअविरल वर्षाका कारण उपत्यकाको विभिन्न ठाउँमा डुवानमा परेकाहरुको उद्धार
साउन १६, २०८१ बुधबार
पूर्व पश्चिम राजमार्गको बेलगाछि पुलमा क्षति
साउन १६, २०८१ बुधबार
बाङ खोलाको बाढीले तीन पुल बगायो
साउन १६, २०८१ बुधबार
एआईजी ज्ञवालीलाई प्रदेश समन्वय विभागमा सरुवा प्रस्ताव
नेपालबहस संवाददाता
साउन १५, २०८१ मंगलबार
रथी सिग्देल विरुद्धको रिट दरपीठ, भदौ २६ को बाटो खुल्यो !
नेपालबहस संवाददाता
साउन १४, २०८१ सोमबार
१८ देशमा राजदूत सिफारिस गर्ने मन्त्रिपरिषद्को निर्णय
नेपालबहस संवाददाता
साउन १४, २०८१ सोमबार
एआईजी ज्ञवालीलाई प्रदेश समन्वय विभागमा सरुवा प्रस्ताव
साउन १५, २०८१ मंगलबार
उडेको श्री एयरलाइन्सको जहाजमा एयर होस्टेजलाई दुर्व्यवहार गर्ने युवक पक्राउ
साउन १६, २०८१ बुधबार
सीआईबी प्रमुख ज्ञवालीमाथि परेका उजुरी छानबिन गर्न प्रहरी मुख्यालयले बनायो समिति
साउन १६, २०८१ बुधबार
कृषि समितिकी सभापति थापाले लिइन् शपथ
साउन १६, २०८१ बुधबार
बाढीपहिरो लगायतका विपद्मा परी हालसम्म १४५ जनाको मृत्यु
साउन १६, २०८१ बुधबार
राष्ट्रिय परिचयपत्र वितरण कार्यलाई तीव्रता दिन गृहमन्त्रीको निर्देशन
साउन १६, २०८१ बुधबार
रात भरीको वर्षाले खुलेको काठमाडौं उपत्यका
साउन १६, २०८१ बुधबार
एमसिए–नेपालका तीनवटै ४०० केभी सबस्टेसनको ठेक्का लाग्यो
साउन १६, २०८१ बुधबार
बाढी र डुबान : काठमाडौं उपत्यकाका तीन जिल्लाबाट ७० जनाको उद्धार
साउन १६, २०८१ बुधबार