सिन्धुलीमा गाडी दुर्घटना हुँदा ११ जना घाइते ​​​​​​​

२८ असार, काठमाडौं । सिन्धुलीको गोलान्जोर गाउँपालिका–७ स्थित मरीन डाईभर्सन इलाकामा सर्लाहीबाट काठमाडौंतर्फ आउँदै गरेको विङ्गर हाईस गाडी दुर्घटना हुँदा ११ जना घाइते भएका छन् । अपरान्ह ११ः४० बजेको समयमा हाईस गाडीको गति अनियन्त्रित भइ सडकबाट अन्दाजी ३० मिटर तल खसेर दुर्घटना भएको हो ।

सो घटनाको खबर पाएपछि तत्कालै सशस्त्र प्रहरी बल, नेपाल विपद् व्यवस्थापन सुरक्षा बेश खुर्कोटबाट खटिएको सशस्त्र प्रहरी र नेपाल प्रहरीको संयुक्त टोलीले उनीहरुको उद्धार गरी उपचारको लागि शुभ जीवन अस्पताल खुर्कोटतर्फ पठाएको छ ।